ფინანსთა მინისტრი ივანე მაჭავარიანი ევროკავშირის ელჩს საქართველოში, კარლ ჰარცელს შეხვდა, რომელმაც ქვეყანაში დიპლომატიური საქმიანობა მიმდინარე წლის სექტემბერში დაიწყო.   

გაცნობითი ხასიათის შეხვედრაზე, ივანე მაჭავარიანმა სტუმარს მიულოცა ახალ თანამდებობაზე დანიშვნა და იმედი გამოთქვა, რომ მისი ელჩობის პერიოდში,  საქართველოსა და ევროკავშირს შორის პარტნიორობა კიდევ უფრო განმტკიცდება.

მხარეებმა მიმოიხილეს ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებით გათვალისწინებული საკითხების მიმდინარეობა.

როგორც ფინანსთა მინისტრმა აღნიშნა, ევროკავშირის პოლიტიკური, ფინანსური და ტექნიკური დახმარების პროგრამები მნიშვნელოვან როლს ასრულებს საქართველოს მთავრობის გეგმის განხორციელებაში.

ხაზი გაესვა სექტემბრის დასაწყისში, ევროკავშირის მიერ საქართველოსთვის გამოყოფილი ახალი 45 მლნ ევროს ოდენობის მაკროფინანსური დახმარების მნიშვნელობას, რომელიც საქართველოს მთავრობის მიერ დაგეგმილი რეფორმების მხარდაჭერას მოხმარდება.

ივანე მაჭავარიანის თქმით, აღნიშნული ფინანსური მხარდაჭერის მიზანია, კიდევ უფრო გაძლიერდეს ქვეყნის ეკონომიკის მდგრადობა საგარეო რისკების მიმართ, ხელი შეეწყოს ინკლუზიური ეკონომიკის განვითარებას ქვეყანაში.

შეხვედრაზე მხარეებმა მიმოიხილეს ევროკავშირის საგარეო საინვესტიციო გეგმით გათვალისწინებული პროგრამის მიმდინარეობა, ასევე, ენერგოეფექტურობის მიმართულებით განხორციელებული ღონისძიებები.

აღინიშნა სახელმწიფო ფინანსების მართვის (PFM) რეფორმის ფარგლებში მიღწეული წარმატებები და სახელმწიფო ხარჯებისა და ფინანსური ანგარიშგების (PEFA) შეფასების პოზიტიური შედეგები.

ევროკავშირის ელჩმა დადებითად შეაფასა საქართველოსთან მიმდინარე თანამშრომლობა და აღნიშნა, რომ ევროკავშირი მომავალშიც აქტიურად განაგრძობს საქართველოს მთავრობის რეფორმების მტკიცე მხარდაჭერას.

NS

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა