ზუგდიდის ყოფილი მერი ლაშა გოგია სუს-ში გამოკითხვაზე მივიდა

2018-09-15 12:31:41, 3189 ნახვა

სამართალი

ზუგდიდის ყოფილი მერი ლაშა გოგია სახელმწიფო უსაფრთხოების სამსახურში გამოკითხვაზე მივიდა.

მან სუს-ის შენობაში შესვლამდე ჟურნალისტების კითხვებს არ უპასუხა, თუმცა აღნიშნა, რომ სკანდალურ ჩანაწერთან დაკავშირებით ორშაბათს ისაუბრებს.

შეგახსენებთ, რომ სკანდალი მას შემდეგ დაიწყო, რაც ტელეკომპანია „რუსთავი 2“-მა ფარული ჩანაწერი გაავრცელა. ტელეკომპანიის ცნობით, ჩანაწერიდან ირკვევა, რომ რუსეთში მოღვაწე ქართველმა ბიზნესმენმა ზურაბ კვირკვიამ აუქციონში გამარჯვების სანაცვლოდ, წინასწარ ზუგდიდის მერს, ლაშა გოგიას და მის მოადგილეს, გია გულორდავას ქრთამი მისცა, თუმცა პირობა დაირღვა და ზურაბ კვირკვიას სასურველი ტერიტორიები არ გადასცეს. გამოძიება სსკ-ის 338-ე მუხლით დაიწყო, რაც ქრთამის აღებას გულისხმობს. გუშინ სახელმწიფო უსაფრთხოების სამსახურში გამოკითხვაზე ზუგდიდის ყოფილი ვიცე-მერი, გია გულორდავაც იმყოფებოდა.

ცნობისთვის, ლაშა გოგიამ ზუგდიის მერის ტანამდებობა 12 სექტემბერს დატოვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები