აზიის განვითარების ბანკისა და საქართველოს მთავრობის ორგანიზებით, ბათუმში ორდღიანი საინვესტიციო ენერგეტიკული ფორუმი მიმდინარეობს.

ეკონომიკის სამინისტროს ინფორმაციით, ღონისძიებაში „ცენტრალური აზიის რეგიონული ეკონომიკური თანამშრომლობის" (CAREC) წევრი 11 ქვეყნის სამთავრობო უწყებების, ენეროკომპანიების, ექსპერტული წრეების გარდა, საერთაშორისო დონორი ორგანიზაციების (World Bank, USAID, EBRD, KfW etc) წარმომადგენლები მონაწილეობენ.

საქართველოს ეკონომიკისა და მდგრადი განვითარების მინისტრის მოადგილის, ნინო ენუქიძის განცხადებით, საინვესტიციო ფორუმის მთავარი მიზანია, გაზარდოს საერთაშორისო დონორებისა და ინვესტორების დაინტერესება ენერგეტიკული სექტორის მიმართ. „საქართველოს ენერგეტიკას განვითარებისთვის მეტი ინვესტიცია სჭირდება. განსაკუთრებით, განახლებადი ენერგიის, მათ შორის, ჰიდროენერგიის უფრო მეტად ათვისების მიმართულებით", - განაცხადა ეკონომიკისა და მდგრადი განვითარების მინისტრის მოადგილემ. მისი თქმით, ფორუმზე ასევე აქცენტი გაკეთდება ენერგოსექტორში, მათ შორის, ჰიდროენერგეტიკაში თანამედროვე ტექნოლოგიების დანერგვის საკითხზე.

ნინო ენუქიძემ ასევე ყურადღება გაამახვილა მზის PV პანელების საკითხზე - მისი ინფორმაციით, აღნიშნული ტექნოლოგიის გამოყენება შესაძლებელი იქნება საქართველოს მაღალმთიან დასახლებებში, სადაც ელექტროგადამცემი ხაზები არ არსებობს. „საქართველოს მთავრობა ამ მიმართულებით ძალიან ნაყოფიერად მუშაობს და ფინანსთა სამინისტროს დახმარებით, მოლაპარაკებებს ვაწარმოებთ საერთაშორისო საფინანსო ორგანიზაციებთან, რომ ჩვენს ქვეყანაში აღნიშნული ტექნოლოგიები დაინერგოს და განვითარდეს," - განაცხადა ეკონომიკისა და მდგრადი განვითარების მინისტრის მოადგილემ.

ბათუმის საინვესტიციო ენერგეტიკულ ფორუმზე განხილული იქნება ისეთი მნიშვნელოვანი საკითხები, როგორიცაა ჰიდროენერგეტიკის განვითარება თანამედროვე ტექნოლოგიებისა და მიდგომების გათვალისწინებით; ინოვაციური ტექნოლოგიების გამოყენება ენერგოეფექტურობის მიმართულებით, განახლებადი ენერგიების კერძოდ, მზის ენერგიის გამოყენება შინამეურნეობებში თანამედროვე ტექნოლოგიების გათვალისწინებით და სხვა.

(NS)

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.