ფინანსთა მინისტრი ივანე მაჭავარიანი ევროპის რეკონსტრუქციისა და განვითარების ბანკის (EBRD) რეგიონულ დირექტორს კავკასიაში, მოლდოვასა და ბელორუსში ბრუნო ბალვანერას შეხვდა.

მხარეებმა საქართველოსა და EBRD-ს შორის 4-წლიანი თანამშრომლობის სტრატეგიის ფარგლებში არსებული პარტნიორობის საკითხები განიხილეს.

შეხვედრაზე მხარეებმა, ასევე, მიმოიხილეს EBRD-ის მხარდაჭერით მიმდინარე პროექტები ისეთი მიმართულებებით როგორიცაა: კერძო ინვესტიციების წახალისება, ენერგოსექტორის მოდერნიზაცია,  მუნიციპალური ინფრასტრუქტურის განვითარება, მყარი ნარჩენების მართვა, საქართველოს რეგიონული და გლობალური ინტეგრაციის ხელშეწყობა.

საუბარი, ასევე, შეეხო მთავრობის გარემოსდაცვით, ე.წ. „მწვანე ეკონომიკის" სტრატეგიას და ენერგოეფექტური საზოგადოებრივი ტრანსპორტის განვითარების  მიმართულებით EBRD-ის მხარდაჭერას.

როგორც ცნობილია, დედაქალაქში საზოგადოებრივი ტრანსპორტის ხარისხის გაუმჯობესების მიზნით 2018-2019 წლებში ბანკის მხარდაჭერით მოხდება  ე.წ ყვითელი ავტობუსების პარკის ჩანაცვლება.

შეხვედრაზე განსაკუთრებით გაესვა ხაზი სექტემბერში, ევროპის რეკონსტრუქციისა და განვითარების ბანკის მაღალი დონის დელეგაციების ვიზიტების მნიშვნელობას.

როგორც აღინიშნა, ევროპის რეკონსტრუქციისა და განვითარების ბანკის დირექტორების ვიზიტი საქართველოში ბანკის მხრიდან ქვეყნის ინსტიტუციური განვითარების მხარდაჭერის კიდევ ერთი დადასტურებაა.

ვიზიტის მიზანია, საქართველოში EBRD-ის დაფინანსებით განხორციელებული, ასევე, სამომავლო პროექტებისა და ქვეყანაში ამჟამად მიმდინარე რეფორმების გაცნობა.

აღსანიშნავია, რომ სექტემბერში, თბილისში, ასევე, იგეგმება EBRD-ის ჯგუფის (Constituency Meeting) შეხვედრის ჩატარება, რომლშიც გაერთიანებულია საქართველო. (ჯგუფში საქართველოსთან ერთად, გაწევრიანებულები არიან უნგრეთი, ჩეხეთი, სლოვაკეთი და ხორვატია).

საქართველო ევროპის რეკონსტრუქციისა და განვითარების ბანკში 1992 წელს გაწევრიანდა. ამ პერიოდიდან ბანკის ინვესტიციებმა საქართველოს ეკონომიკაში, დაახლოებით, 3.0 მილიარდი ევრო შეადგინა

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.