რუსთავის საქალაქო სასამართლომ, გენერალ სამსონ ქუთათელაძის მკვლელობის საქმეზე დაკავებულ გიორგი ჭანტურიას აღკვეთის ღონისძიების სახით პატიმრობა შეუფარდა. 

მოსამართლემ სრულად გაიზიარა ბრალდების შუამდგომლობა ჭანტურიას შესაძლო მიმალვასთან დაკავშირებით და მას წინასწარი პატიმრობა შეუფარდა. 

დაცვის მხარის მტკიცებით კი, პროკურატურას ჭანტურიას წინააღმდეგ პირდაპირი მტკიცებულებები არ აქვს და მხოლოდ ზეწოლის შედეგად მიღებული ჩვენებებით აპელირებს.

„მართლაც და საქმეში აღმოჩნდა ის მტკიცებულებები, რომელიც ვფიქრობ, რომ იძულების წესით არის დაწერილი მოწმებიის მხრიდან, რადგან რამდენჯერმე არიან ეს ადამიანები. ერთ სემთხვევაში იძახდნენ, რომ იდეალური ურთიერთობა ჰქონდათ გარდაცვლილს და გიორგი ჭანტურიას ერთმანეთში, მაგრამ ახლა თურმე არ ჰქონიათ კარგი ურთიერთობა. ეს ცალსახად მიუთითებს მათ იძულებაზე, რომ ბრალდების მხარეს საქმე შეეკერა, თუმცა სიმართლე ძალაინ ცოტა ხანში გაირვევა, აღკვეთის ღონისძიების სახე, რაც გამოიყენა სასამართლომ არ უნდა გამოეყენებინა“,- აღნიშნა ადვოკატმა ალექსანდრე კობაიძემ.

შეგახსენებთ, რომ ჭანტურიას ბრალი ოფიციალურად 9 აგვისტოს წაუყენეს, თუმცა ის დანაშაულს ამ დრომდე არ აღიარებს. გამოძიების ფარგლებში ადრე დაკავებული და შემდეგ გათავისუფლებული გიორგი ჭანტურია სამართალდამცველებმა 7 აგვისტოს ხელმეორედ დააკავეს. ჭანტურიას სახლის ჩხრეკისას, მისი ერთ-ერთი ადვოკატის, ალექსანდრე კობაიძის ინფორმაციით, სარდაფში  მდებარე ტახტიდან სამი იარაღი ამოიღეს.

ავტორი: ,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო