„ლისი დეველოპმენტი" საქართველოში პირველი დეველოპერული კომპანია გახდა, რომელიც საერთაშორისო საკრედიტო რეიტინგს ფლობს.  B+ კორპორაციული საკრედიტო რეიტინგი „ლისი დეველოპმენტს" საერთაშორისო სარეიტინგო კომპანიამ, Scope Ratings GmbH-მა მიანიჭა. რეიტინგის მოძიების საკონსულტაციო მომსახურება „თიბისი კაპიტალმა", თიბისი ბანკის შვილობილმა ლიცენზირებულმა საბროკერო კომპანიამ განახორციელა.

„Scope Ratings GmbH"-მა „ლისი დეველოპმენტის" ძლიერ მხარეებად რამდენიმე ფაქტორი დაასახელა. მათ შორის, კარგი საბაზრო პოზიციონირება, ძლიერი ბრენდი, მშენებლობის და გაყიდვების გამოცდილება, უძრავი ქონების მიმზიდველი ლოკაციები და ძლიერი საოპერაციო ფულადი ნაკადები.

„ლისი დეველოპმენტის"  მიზანია არა მხოლოდ თანამედროვე სტილის, დახვეწილი არქიტექტურის მქონე საცხოვრებელი კომპლექსის  შექმნა, არამედ საქართველოში სრულიად ახალი და ჯანსაღი ცხოვრების სტილის დამკვიდრება. საერთაშორისო საკრედიტო რეიტინგის მინიჭება „ლისი დეველოპმენტისთვის" მორიგი საერთაშორისო აღიარებაა და კიდევ ერთხელ ადასტურებს იმას, რომ კომპანია მაღალ სტანდარტებს ამკვიდრებს  ქართული უძრავი ქონების ბაზარზე" - განაცხადა ნოდარ ადეიშვილმა, „ლისი დეველოპმენტის" გენერალურმა დირექტორმა.

„მოხარული ვარ, რომ „თიბისი კაპიტალი" აქტიურად თანამშრომლობს სექტორის წამყვან მოთამაშესთან იმისათვის, რომ კომპანია გახდეს კაპიტალის ბაზრის მონაწილე. Scope-ის მიერ მინიჭებული საკრედიტო რეიტინგი ამ მხრივ დიდი წინგადადგმული ნაბიჯია, რაც კიდევ ერთხელ ადასტურებს „ლისი დეველოპმენტის" ფინანსური მართვის სიძლიერესა და კომპანიის საბალანსო უწყისის სიჯანსაღეს", - განაცხადა ირაკლი ელაშვილმა, „თიბისი კაპიტალის" დირექტორმა.

„ლისი დეველოპმენტის"  პირველი პროექტი - „მწვანე ქალაქი ლისზე"  80/20 კონცეფციას ეფუძნება,  რაც გულისხმობს ტერიტორიის მხოლოდ 20%-ზე მშენებლობის განხორციელებას, ხოლო დანარჩენი  80%-ის გამწვანებასა და რეკრეაციული ზონების მოწყობას.

„ლისი დეველოპმენტი" არაერთი საერთაშორისო ჯილდოს მფლობელია. კომპანიამ 2012 -2017 წლებში International Property Awards-ის  10 სხვადასხვა ნომინაციაში გაიმარჯვა. გარდა ამისა, საქართველოში ზედიზედ სამჯერ გახდა Golden Brand-ის გამარჯვებული.

Scope Ratings–ის  მიერ მინიჭებული საკრედიტო რეიტინგის  ნახვა შესაძლებელია ვებ-გვერდზე: www.scoperatings.com

(R)

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.