„სიმართლე რომ გითხრა, ცხოვრებაში არანაირი პრობლემა არ მაქვს, აქ ჩამოვედი იმიტომ, რომ მინდა ამ ქვეყანას დავეხმარო“, - ასე უპასუხა ეკონომიკისა და მდგრადი განვითარების მინისტრობის კანდიდატმა გიორგი ქობულიამ „ნაციონალური მოძრაობის“ წევრის, რომან გოცირიძის შეკითხვას.

გოცირიძე დაინტერესდა, რამდენად დამოუკიდებელი იქნება ის ამ თანამდებობაზე და რა არის მოტივი, რის გამოც შეთავაზებას დათანხმდა.

„მე გეტყვით რა არის ჩემი დამოუკიდებლობის საფუძველი. მარტივად რომ გითხრათ, არც ვიცი რითი ვარ დამოკიდებული და რაზე, იმიტომ რომ მე ძალიან დიდი ხანი ვმუშაობდი, პერსონალურად შემდგარი პიროვნება ვარ, მაინდამაინც ნორმალური არსებობისთვის არაფერი არ მჭირდება. მე არანაირად არ ვარ დამოკიდებული და არ მეშინია დავკარგო სამსახური, რაიმე ასეთი სიტუაცია არ მაქვს. ყოველთვის მაქვს ძალიან დიდი პერსპექტივა, რომ შემიძლია წავიდე და გავაკეთო ის, რაც მინდა საქართველოში, რუსეთში და თუნდაც ამერიკაში. არ მინდა ტრაბახში ჩამომართვათ, მაგრამ მე საკმაოდ ექსკლუზიურ პოზიციაზე ვიყავი ძალიან მსხვილ კომპანიაში, რასაც ჰქვია უფროსი პარტნიორი. ეს არის ძალიან ელიტური კომპანია და სიმართლე რომ გითხრა, ცხოვრებაში არანაირი პრობლემა არ მაქვს. აქ ჩამოვედი იმიტომ, რომ მინდა ამ ქვეყანას დავეხმარო, ჩემი გამოცდილება, რაც მე მივიღე 20 წლის განმავლობაში „მაკკინზიში“, მოვახმარო ამ ქვეყანას და რა თქმა უნდა ამბიცია მაქვს, რომ რაღაც გავაკეთო. მე არ გადავუხვევ იმ პრინციპებს, რომლითაც ვცხოვრობ“, - განაცხადა გიორგი ქობულიამ.

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.