„სიღარიბის დონე არ მცირდება... ჩვენ ორჯერ და სამჯერ კი არა, ათჯერ ჩამოვუვარდებით მოწინავე ქვეყნებს“, - ამის შესახებ ეკონომიკისა და მდგრადი განვითარების მინისტრობის კანდიდატმა გიორგი ქობულია პარლამენტში, კომიტეტების გაერთიანებულ სხდომაზე განაცხადა.

როგორც მან აღნიშნა, კარგი ეკონომიკური ზრდის მიუხედავად, საქართველო ღარიბ ქვეყნებს შორის რჩება.

„რეალურად რომ შევხედოთ სიტუაციას, მიუხედავად კარგი პროგრესისა, საქართველო დღეს, მსოფლიო ბანკის შეფასებით, სამწუხაროდ, რჩება ღარიბ ქვეყნებს შორის. ეს აიხსნება პირველ რიგში იმით, რომ მიუხედავად იმისა, რომ ჩვენ გვაქვს საკმაოდ კარგი ზრდა, ის ეკონომიკური შემოსავალი, რომელსაც საქართველო ქმნის ერთ სულ მოსახლეზე, არის ძალიან მცირე. ჩვენ ორჯერ და სამჯერ კი არა, ათჯერ ჩამოვუვარდებით მოწინავე ქვეყნებს. ეს არ არის საკმარისი, რომ ხალხმა კარგად იცხოვროს. სიღარიბის დონე არ მცირდება. ეს არის შემოსავლების განაწილების და მოსახლეობის ფართო ფენების ეკონომიკურ საქმიანობასთან ჩაურთველობის რეზულტატი. ჩვენ ძალიან დიდი უმუშევრობა გვაქვს და ძალიან ბევრი ადამიანი არის დასაქმებული დაბალი პროდუქტიულობის სექტორებში, როგორიცაა მაგალითად სოფლის მოსახლეობა“, - განაცხადა ქობულიამ.

ავტორი: ,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.