საჯარო რეესტრის ეროვნული სააგენტოს მიერ ბლოკჩეინის ტექნოლოგიის გამოყენების გამოცდილება თბილისში გამართულ საერთაშორისო კონფერენციაზე "Blockchain & Bitcoin Conference Georgia"-ზე განიხილეს.

საჯარო რეესტრის პროექტების მართვისა და გაყიდვების სამსახურის უფროსის მოვალეობის შემსრულებელმა  მარიამ ტურაშვილმა პანელურ დისკუსიაში „ბლოკჩეინ ტექნოლოგიების პერსპექტივები სახელმწიფო მმართველობის სფეროში"  უძრავი ქონების რეგისტრაციისას ბლოკჩეინ ტექნოლოგიის გამოყენების შესახებ ისაუბრა. მან საჯარო სტრუქტურების წარმომადგენლებს, მაინერებს, ეკონომისტებს, ICO კონსულტანტებსა და ანალიტიკოსებს ბლოკჩეინის ტექნოლოგიის სარეგისტრაციო წარმოებაში დანერგვის შესახებ საჯარო რეესტრის ეროვნული სააგენტოს  გამოცდილება გაუზიარა. 

„დღევანდელ კონფერენციაზე ვსაუბროთ საჯარო სექტორში ბლოკჩეინის გამოყენების შესახებ. ბლოკჩეინი არის საინტერესო ყველასთვის, რადგან ეს სისტემა სარეგისტრაციო ტრანზაქციებს მსოფლიო მასშტაბით ხელმისაწვდომს, გამჭვირვალეს და კიდევ უფრო მეტად დაცულს ხდის. ბლოკჩეინისა და საჯარო რეესტრის  საშუალებით საქართველო უფრო პოპულარული გახდა მსოფლიოში,"- აღნიშნა მარიამ ტურაშვილმა. 

საქართველო  პირველი ქვეყანაა მსოფლიოში, რომელმაც უძრავი ქონების სარეგისტრაციო წარმოებაში  ბლოკჩეინის ტექნოლოგია წარმატებით დანერგა. საჯარო რეესტრის ეროვნული სააგენტო პირველია, რომელიც 2017  წლის თებერვლიდან მიწის რეგისტრაციისას ბლოკჩეინის ტექნოლოგიას იყენებს. ბლოკჩეინ ტექნოლოგიის გამოყენება სარეგისტრაციო ტრანზაქციებს მსოფლიო მასშტაბით ხელმისაწვდომს, გამჭვირვალეს და კიდევ უფრო მეტად დაცულს ხდის, ეს სერვისი მოქალაქეებისთვის უფასო და კომფორტულია. 

"Blockchain & Bitcoin Conference Georgia"  პირველი საერთაშორისო კონფერენციაა საქართველოში კრიპტოვალუტების, ბლოკჩეინისა და ICO-ს შესახებ, სადაც ბლოკჩეინ ენთუზიასტები, ბიზნესმენები, მაინერები, სტარტაპები და სახელმწიფო უწყებების  წარმომადგენლები ერთმანეთს გამოცდილებას უზიარებენ და  ახალი ტექნოლოგიების საინვესტიციო შესაძლებლობების განიხილვენ.

(NS)

ავტორი: ,

სოციალური ქსელები

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.

სესმა ქუთაისში პესტიციდებისა და აგროქიმიკატების არალეგალური რეალიზაცია გამოავლინა|ობიექტს საქმიანობა შეუჩერეს