„მივმართვ მთელ საზოგადოებას,  ქართველ ხალხს, 19:00 საათზე დამიდექით ყველა გვერდში მთავარ პროკურატურასთან, რათა დავანგრიოთ ეს სისტემა“, - ამის შესახებ ხორავას ქუჩაზე მოკლული არასრულწლოვნის, ზაზა სარალიძის მამამ, დავით სარალიძემ პროკურატურასთან განაცხადა.

მან შსს-ს მოუწოდა, საქალაქო სასამართლოსთან დაკავებული პირები გაათავისუფლეს.

სარალიძემ 51-ე საჯარო სკოლის ადმინისტრაციასაც მიმართა, დაუყოვნებლივ მისცენ შესაძლებლობა მოსწავლეებს, რომ აქციაზე მივიდნენ.

 „მივმართვ მთელ საზოგადოებას,  ქართველ ხალხს,  7 საათზე დამიდექით ყველა გვერდში მთავარ პროკურატურასთან, რათა დავანგრიოთ ეს სისტემა. არ მივცემთ ამ სისტემას უფლებას რომ ჩემს შვილს  და არა მარტო ჩემს შვილს, ყველა  იმ მოკლულ ადამიანს ჩააფურთხოს სულში.  მივმართავ შინაგა საქმეთ მინისტრს ბატონ გიორგი გახარიას,  დაუყოვნებლივ გაათავისუფლოს ის პირები ვინც პოლიციამ დააკავა და მოიტაცა დღეს, აქ მოსვლის პერიოდში. ერთ საათში ჩემი მეგობრები იყვნენ ჩემს გვერდით. 51-ე სკოლის ადმინისტრაციას მივმართავ, დაუყოვნებლივ  გამოუშვას ბავშვები რომლებსაც არ აძლევენ ჩემს გვერდით და მისი მეგობრების გვერდში დგომის უფლებას“, - განაცხადა სარალიძემ.

რაც შეეხება მთავარ პროკურორთან შეხვედრას, მისი თქმით, ირაკლი შოთაძე შეხვედრას არ აპირებს. 

„საათებია უკვე ველოდებით თავის შემოთავაზებას ბატონ შოთაძეს, როგორც ჩანს შოთაძე არ აპირებს ჩვენს იქ შეშვებას და ჩემთან მოლაპარაკებას“, - განაცხადა ზაზა სარალიძემ.

შეგახსენებთ, რომ ზაზა სარალიძე მის მომხრეებთან ერთად პროკურატურის შენობასთან მას შემდეგ მივიდა, რაც სასამართლომ დავით სარალიძის მკვლელობაში ბრალდებული ერთი არასრულწლოვანი გაამართლა, ხოლო მეორეს მუხლი გადაუკვალიფიცირა და იგი მკვლელობის ნაცვლად, განზრახ მკვლელობის მცდელობაში ცნო დამნაშავედ. ზაზა სარალიძის თქმით, სასამართლომ დღეს დაადასტურა, რომ მისი შვილის მკვლელები ჯერ კიდევ თავისუფლად დადიან. აქედან გამომდინარე იგი დამნაშავეების დასჯას და მთავარი პროკურორის გადადგომას ითხოვს

ავტორი: ,

სოციალური ქსელები

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება

საქართველოს საპატრიარქოს მსოფლიო საპატრიარქოს წარმომადგენელი ეწვია

ვაიმარის სამკუთხედის ელჩებმა საქართველოში ერთობლივი ქმედების პერსპექტივები განიხილეს

თბილისში მიხეილ სააკაშვილის გათავისუფლების მოთხოვნით აქცია გაიმართა