ტურიზმის განვითარების სკოლის ფარგლებში აჭარაში გიდებისთვის ტრენინგები მიმდინარეობს. 50-მდე დამწყები და მოქმედი გიდის გადამზადება ბათუმის, ქედისა და მაჭახელას ტურისტული მარშრუტების მიმართულებით 1 მაისიდან დაიწყო. აჭარის ტურიზმის დეპარტამენტის თავმჯდომარე სულხან ღლონტი დღეს ტრენინგის მონაწილეებს შეხვდა და მათ გიდის პროფესიის მნიშვნელობაზე ესაუბრა.

“ტურიზმის განვითარების სკოლის ფარგლებში გიდებთან აქტიური მუშაობა ჩვენ 2017 წელს დავიწყეთ. 100-მდე მოქმედი და დამწყები გიდი ბათუმის, დაცული ტერიტორიების, ქედის, მაჭახელისა და მაღალმთიანი აჭარის მიმართულებით გადავამზადეთ. პროექტი წარმატებულია, რადგან მასში ჩართული გიდების 70% დასაქმდა და ანხორციელებდა ტურებს სხვადასხვა ტურისტული მარშრუტის მიმართულებით. ჩვენ წელსაც გავაგრძელეთ ტრენინგები მასზე არსებული მოთხოვნიდან გამომდინარე და ვიმედოვნებთ, რომ  რეგიონში გიდებთან დაკავშირებით არსებული ხარვეზები ეტაპობრივად აღმოიფხვრება. ჩვენთვის მნიშვნელოვანია ადამიანები, რომლებიც ტურისტებთან ყველაზე მეტ დროს ატარებენ იყვნენ მაღალი დონის პროფესიონალები, რათა მაქსიმალურად ზუსტი ინფორმაცია მიაწოდონ სტუმრებს ჩვენი ქვეყნის ისტორიისა  და რეგიონის შესახებ,“ განაცხადა აჭარის ტურიზმის დეპარტამენტის თავმჯდომარე სულხან ღლონტმა გიდებთან საუბრისას.

ერთთვიანი ტრენინგ-კურსი თეორიულ და პრაქტიკულ სწავლებებს, ასევე  ტურისტულ მარშრუტებზე საველე გასვლებს ითვალისწინებს. ტრენინგის მონაწილეები ეთნოგრაფიას, ექსკურსმცოდნეობას, გიდის ფსიქოლოგიას, პირველად დახმარებას, არქიტექტურას, ქართულ ფოლკლორს, საქართველოს, ბათუმის ისტორიას სწავლობენ და უშუალოდ მარშრუტებზე პრაქტიკული ტურებისას იქ არსებულ ტურისტულ ღირსშესანიშნაობებს, სერვისებსა და მუზეუმებს ეცნობიან.

ბათუმის ტური ქალაქში არსებულ ტურისტულ ღირსშესანიშნაობებს, ძმების ნომებელების, მხარეთმცოდნეობის, არქეოლოგიურ მუზეუმებს, ბოტანიკურ ბაღსა და გონიოს ციხეს მოიცავს. ქედის ღვინის მარშრუტი სოფელ ვაიოს, პირველი მაისის,  დანდალოსა და გეგელიძეების ღვინის მარნებს, საოჯახო-სასტუმრო სახლებსა და აჭარულ ღვინის სახლს ითვალისწინებს. მაჭახელას ტურისტული მარშრუტი კი მაჭახელას ეროვნულ პარკსა და მაჭახელას თოფის გზას მოიცავს. ტრენინგებს ეთნოგრაფები, ისტორიკოსები და პროფესიონალი გიდები ატარებენ. მაისის ბოლოს ტრენინგის მონაწილეებს სპეციალური კომისია შეაფასებს.

(NS)

ავტორი: ,

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა