13 მაისს ბათუმში 43-ე მსოფლიო საჭადრაკო ოლიმპიადის მზადებისადმი მიძღვნილი ღონისძიება გაიმართა. ღონისძიებასთან დაკავშირებით ევროპის მოედანზე ბათუმელი სპორტსმენები და ახალგზარდები, საქართველოს ჭადრაკის ფედერაციის და აჭარის მთავრობის წარმომადგენლები შეიკრიბნენ.

აჭარის მთავრობის თავმჯდომარემ ზურაბ პატარაძემ შეკრებილ საზოგადოებას მიესალმა და მსოფლიო ოლიმპიადის ბათუმში ჩატარების მნიშვნელობაზე ისაუბრა. მისი თქმით, ცენტრალური და რეგიონული მთავრობა ყოველდღიურ რეჟიმში მუშაობს ოლიმპიადის ღირსეული მასპინძლობისთვის.

ღონისძიების ფარგლებში ბათუმში იმყოფებოდნენ ევროპის საჭადრაკო კავშირის პრეზიდენტი ზურაბ აზმაიფარაშვილი, საქართველოს ჭადრაკის ფედერაციის პრეზიდენტი გიორგი გიორგაძე, მსოფლიოსა და საჭადრაკო ოლიმპიადების გამარჯვებულები, ოლიმპიადის კეთილი ნების ელჩები ნონა გაფრინდაშვილი და ნანა იოსელიანი. აგრეთვე, საჭადრაკო ოლიმპიადის მედია-ტურნირის - „ბათუმი 2018" მონაწილეები, ტელე-რადიო კომპანიების, ბეჭდური და ონლაინ-გამოცემების უცხოელი და ქართველი წარმომადგენლები.

საჭადრაკო ოლიმპიადის მოსამზადებელი ღონისძიების აღსანიშნად, პირველი სიმბოლური სვლა აჭარის მთავრობის თავმჯდომარემ ზურაბ პატარაძემ ცნობილ მოჭადრაკე ნონა გაფრინდაშვილთან ერთად შეასრულა.

ბათუმში მსოფლიო დონის სპორტული ღონისძიების აღსანიშნავად, ევროპის მოედანზე სხვადასხვა გასართობი ღონისძიება გაიმართა: ბათუმის საზღვაო აკადემიის სტუდენტების მონაწილეობით მოეწყო ორკესტრირებული მსვლელობა, შესრულდა ჭადრაკის ფიგურების სვლების ამსახველი ფლეშმობი, მოეწყო ფოტოგამოფენა, სახელდახელო ქვიზ-შოუ.

ღონისძიების დასასრულს, საჭადრაკო პროექტის „მილიონი სვლა" ფარგლებში, ქალაქ ბათუმის მერმა ლაშა კომახიძემ თითო სვლა „მილიონი სვლისთვის" სპეციალურად შექმნილი ონლაინ პლატფორმის მეშვეობით გააკეთა. ერთდროული თამაშის სეანსები გაიმართა დიდოსტატებს და ადგილობრივ მოჭადრაკეებს შორის.

დღევანდელი ღონისძიება მსოფლიო საჭადრაკო ოლიმპიადის საორგანიზაციო კომიტეტისა და ფიდეს რეგიონული წარმომადგენლობის ორგანიზებით ჩატარდა.

43-ე საჭადრაკო ოლიმპიადის ,,ბათუმი 2018" ბათუმში 23 სექტემბრიდან 6 ოქტომბრამდე გაგრძელდება და მასში მსოფლიოს 189 ქვეყნის 4 ათასამდე წარმომადგენელი მიიღებს მონაწილეობას.

(NS)

ავტორი: ,

სოციალური ქსელები

ტრამპი გაეროს გენერალურ ასამბლეაზე სიტყვით გამოვიდა და განაცხადა, რომ რვა ომი დაასრულა

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა