თურქეთის პრემიერ-მინისტრი ბინალი ილდირიმი სირიაში განხორციელებულ სარაკეტო დარტყმას გამოეხმაურა.

როგორც Anadolu იუწყება, ილდირიმმა საერთაშორისო კოალიციის აღნიშნული ქმედება დადებით შეაფასა და მას "პოზიტიური ნაბიჯი" უწოდა.

მისივე თქმით, მუდმივი მშვიდობისთვის უფრო მეტის გაკეთებაა საჭირო.

"ამ დღეებში ასადის საზიზღარმა რეჟიმმა უდანაშაულო ადამიანები, მათ შორის ბავშვები ქიმიური იარაღის გამოყენებით მოკლა. იმ ქვეყნებმა, ვინც თავიანთ თავს მსოფლიოს ნამუსად მიიჩნევენ, გადაწყვიტეს რეაგირება მოეხდინათ. ადამიანები სირიაში ბოლო 7 წლის განმავლობაში იტანჯებიან. ჰუმანიზმი მხოლოდ ახლა გაგახსენდათ, როდესაც ქიმიური იარაღი გამოიყენეს? სად იყავით აქამდე?", - განაცხადა ბინალი ილდირიმმა.

ცნობისთვის, დღეს დილით, საერთაშორისო კოალიციამ, რომელშიც აშშ, საფრანგეთი და ბრიტანეთი შედის, სირიაზე სარაკეტო დარტყმა განახორციელეს. სარაკეტო დარტყმას მსოფლიო ლიდერები უკვე გამოეხმაურნენ. საერთაშორისო კოალიციის ქმედებებს მხარი ევროკავშირმა, ჩრდილოატლანტიკურმა ალიანსმა და ევროპის სხვადასხვა ქვეყნებმა დაუჭირეს. რაც შეეხება რუსეთს, ქვეყნის პრეზიდენტმა ვლადიმერ პუტინმა გაერო-ს უშიშროების საბჭოს საგანგებო სხდომა მოიწვია და სირიაზე განხორციელებული იერიში დაგმო.

ავტორი: ,

სოციალური ქსელები

სარჯველაძე ბათუმის რესპუბლიკურში განვითარებულ მოვლენებზე - ბოლქვაძისთვის წასვლა კაციშვილს არ მოუთხოვია, იგი თავად წავიდა

ჯანდაცვის მინისტრმა სარჯველაძემ ბათუმის რესპუბლიკურის ემერჯენსის ხელმძღვანელი ჯუმბერ ბოლქვაძე გულგრილობაში დაადანაშაულა

პატიმარი გიორგი დავითაძე - გამაუპატიურეს, 10-მა კაცმა, ბადრაგებმა

პენიტენციური სამსახური უარყოფს, რომ გიორგი დავითაძე ციხის ადმინისტრაციის თანამშრომლებმა გააუპატიურეს