„Check in Georgia-ს არსებობა ძალიან დიდი მოვლენაა საქართველოში და დიდი ხელშეწყობაა ქვეყნისა და მისი კულტურისთვის" - ამის შესახებ ცნობილმა ქართველმა პიანისტმა, ბათუმის მუსიკალური ფესტივალის დამფუძნებელმა ელისო ბოლქვაძემ Check in Georgia-ს 2018 წლის პრეზენტაციაზე გამოსვლისას განაცხადა.

მისი თქმით, ბათუმის მუსიკალური ფესტივალი „იუნესკოს" პატრონაჟით ტარდება და ეს არის უნიკალური შემთხვევა, რადგან ფესტივალი აკმაყოფილებს ყველა იმ ღირებულებას, რაც „იუნესკოსთვის" და კონკრეტულად, საქართველოსთვის არის მნიშვნელოვანი.

„ფესტივალზე ახალგაზრდა მუსიკოსებისა და ბავშვების დიდი კონცენტრირებაა, რომლებიც მერე საზღვარგარეთ არიან მიწვეული სხვადასხვა ფესტივალებსა და მასტერკლასებზე. ფესტივალი ასევე მოიცავს რეგიონებში სკოლების ჩართულობასა და პოტენციური მსმენელის ჩამოყალიბებას. ასე რომ, თავისი ხასიათითა და მნიშვნელობით, ბათუმის მუსიკალური ფესტივალი არის საყურადღებო და ბედნიერები ვართ, რომ Check in Georgia-ს პროექტში ვმონაწილეობთ", - აღნიშნა ელისო ბოლქვაძემ.

Check in Georgia-ს ფარგლებში ბათუმის მეექვსე მუსიკალური ფესტივალი ბათუმში 2-13 სექტემბერს გაიმართება.

(NS)

ავტორი: ,

სოციალური ქსელები

გიორგი დავითაძემ, გაურკვეველი მცირე საგანი გადაყლაპა - პენიტენციური

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე