„ომეგა ჯგუფმა საკუთარი ფინანსური პრობლემების გამო, ხელისუფლებაზე  უსამართლო თავდასხმები დაიწყო“, - ასე აფასებს საერთაშორისო სავაჭრო-სამრეწველო პალატის ხელმძღვანელი ფადი ასლი „ომეგა ჯგუფის“ მიერ ბოლოდროინდელ განცხადებებს.

ფადი ასლის თქმით, ომეგა ჯგუფის ბრალდებები ბავშვურია და მას არავინ დაიჯერებს:

 „ომეგა ჯგუფმა ხელისუფლებაზე საკუთარი ფინანსური პრობლემების გამო, უსამართლო თავდასხმები დაიწყო. ეს იგივეა, რომ ვიღაცა, რომელსაც ფინანსური პრობლემები აქვს,ბანკში მივიდეს დასაყაჩაღებლად. როდესაც პოლიცია შეაჩერებს, თავის პრობლემებში პოლიცია დაადანაშაულოს. ეს ბრალდებები ბავშვურია, არ არის  სანდო, ვფიქრობ, ვისაც ერთი გრამი ტვინი აქვს თავში, მსგავსს არაფერს დაიჯერებს“,-განაცხადა ფადი ასლიმ.

შეგახსენებთ, თამბაქოს მწარმოებელი ომეგა ჯგუფი, რომელიც ტელეკომპანია „იბერიას“ აფინანსებს, ხელისუფლებას ზეწოლაში ადანაშაულებს.  ტელეკომპანიაში ამბობენ, რომ ომეგა ჯგუფზე ზეწოლა  „ იბერიას“  ფინანსურ პრობლემებს და საფრთხეს უქმნის.

ტელეკომპანია იბერიის ჟურნალისტების სახელით, რამდენიმე დღის წინ  განცხადება ჟურნალისტმა ვახო ხუზმიაშვილმა გააკეთა:

„ტელეკომპანია იბერიას მთავარი დამფინანსებელი არის ომეგა ჯგუფი და მასში შემავალი კომპანიები, რომელიც სერიოზული ფინანსური დარტყმის ქვეშ აღმოჩნდა. კომპანია ომეგა დღესაც დემპინგის მსხვერპლია, რაც ტელეკომპანია იბერიას სერიოზულ ფინანსურ პრობლემებს უჩენს, - აღნიშნავენ „იბერიაში“.

ავტორი: ,

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ