ეკონომიკის მინისტრი, ვიცე-პრემიერი დიმიტრი ქუმსიშვილი მედიასთან დაკავშირებით პრემიერ გიორგი კვირიკაშვილის მიერ გუშინ გაკეთებულ განცხადებას სრულიად ეთანხმება.

რაც შეეხება „ტვ პირველის“ ირგვლივ განვითარებულ მოვლენებს, მას ქუმსიშვილი გაურკველოვას უწოდებს და არ აპირებს, მასში მონაწილეობა მიიღოს:

„პრემიერის განცხადებას მე სრულად მხარს ვუჭერ და პრემიერის განცხადებას აქვს თავისი შინაარსი. ამაზე  მეტ კომენტარს არ გავაკეთებ. რაც ეხება „ტვ პირველს“, ვერავინ და ვერაფერი  მაიძულებს, რომ ამ გაურკველობაში ჩავერთო“,-განაცხადა დიმიტრი ქუმსიშვილმა.

შეგახსენებთ, საქართველოს პრემიერ-მინისტრი გიორგი კვირიკაშვილი  მთავრობის გუშინდელ  სხდომაზე მედიასაშუალებებზე ზეწოლასთან დაკავშირებით ბოლო პერიოდში გავრცელებულ ინფორმაციებს გამოეხმაურა.

კვირიკაშვილი ბრალდებებს აბსურდულს უწოდებს და ამბობს, რომ „იმ მონაპოვარს, რასაც თავისუფალი მედია ჰქვია, “ქართული ოცნების“  ხელისუფლებაში ვერავინ შეეხება“.

ამასთან, გიორგი კვირიკაშვილის განცხადებით, საკუთარ ბიზნესს ხელისუფლების შანტაჟის იარაღად ვერავინ გამოიყენებს:

„მინდა, აუცილებლად გამოვეხმაურო იმ ძალიან არაჯანსაღ აჟიოტაჟს, რომელიც მედიასაშუალებებზე ე.წ ზეწოლას ეხება. ჩვენი ხელისუფლების პირობებში ასეთი ტიპის ბრალდებები სრული აბსურდია. გამორიცხულია, ჩვენი ხელისუფლების პირობებში ასეთი რამ ხდებოდეს. მინდა, ყველას ვუთხრა, რომ ასევე გამორიცხულია, ჩვენი ხელისუფლების პირობებში საკუთარი ბიზნესი ვინმემ გამოიყენოს ხელისუფლების შანტაჟის იარაღად და ჩვენ დავრწმუნდით, რომ სწორედ ასეთ შემთხვევასთან გვაქვს საქმე. მთელი გუშინდელი საღამო მიეძღვნა ამ თემატიკას. კიდევ ერთხელ მინდა ვთქვა, რომ ეს არის გამორიცხული. ხელისუფლება, რომელმაც მოიტანა ის, რომ პრაქტიკულად დღეები სჭირდება ახალი ტელევიზიის დარეგისტრირებას და ფუნქციონირების დაწყებას, ნამდვილად ვერ მივიღებთ ამ ბრალდებებს. იმ მონაპოვარს, რასაც თავისუფალი მედია ჰქვია, ჩვენს ხელისუფლებაში ვერავინ შეეხება. გამორიცხულია, ასეთი რამ ხდებოდეს, სრული პასუხისმგებლობით ვაცხადებ ამას”,-აღნიშნა კვირიკაშვილმა.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება