პარლამენტის ვიცე-სპიკერის, ირმა ინაშვილის განცხადებით, ფრაქცია "პატრიოტთა ალიანსი" "მაუწყებლობის შესახებ" კანონს, წარმოდგენილი ცვლილებებით მხარს არ დაუჭერს.

როგორც ინაშვილმა პლენარულ სხდომაზე სიტყვით გამოსვლისას განაცხადა,  საზოგადოებრივი მაუწყებელი დღევანდელ რეალობას აცდენილია და მოსახლეობისთვის საინტერესო პროდუქტს არ ქმნის.

საპარლამენტო უმცირესობის დეპუტატის თქმით, კანონში ცვლილებების მიღების შემთხვევაში მედია პლურალიზმს საფრთხე ემუქრება. მანვე დასძინა, რომ თუ მაუწყებელს კომერციული რეკლამების განთავსების შესაძლებლობა მიეცემა, ეს ბაზარზე ბალანს დაარღვევს და კომერციულ ტელეკომპანიებს საფრტხეს შეუქმნის.

"საზოგადოებრივმა მაუწყებელმა ამ წლების განმავლობაში სამწუხაროდ ვერ მოახერხა სათანადო პროდუქციის შექმნა, ვერ მოახერხა საზოგადოების პრობლემების ასახვა მის ეთერში. თუნდაც, ვერ მოახერხა კონკურენციის გაწევა სხვა ტელევიზიებთან და ვერ მოახერხა რეიტინგის მოპოვება. საზმაუ დღევანდელ რეალობას აცდენილია. ჩვენ უნდა დავეხმაროთ მას განვითარებაში., აგრამ ჩვენ ვერ დავეხმარებით ამ ტელევიზიას განვითარებაში, იმ წარმოდგენილი ცვლილებით, რასაც გავეცანით. მინდა გამოვეხმაურა საზოგადოებრივი მაუწყებლის ეთერში კომერციული რეკლამის განთავსების ეპიზოდს. წარმოდგენილი ცვლილებების ავტორებს, ყველა მედია საშუალების წარმომადგენელი უსაბუთებდა, რომ ეს ცვლილებები ბაზარზე ჯანსაღი კონკურენციის პირორბების დარღვევას გამოიწვევს. ყველას კარგად ესმის, არა მარტო ყოფილ ბიზნესმენებს, არამედ საშუალო სკოლის პირველ კლასელსაც კი, რომ როდსაც საზმაუს აქვს საბიუჯეტი დაფინანსება და პლიუს ეძლევა საშუალება შევიდეს სარეკლამო ბაზარზე და მოიპოვოს კომერციული რეკლამა - ეს მთლაიანად არღვევს ბალანს ბაზარზე,  მყარდება დიქტატურა და სხვა არხებს განვითარების საშუალება ესპობათ. ერთ-ერთი ტელევიზიის დამფუძნებელი ვიყავი თავის დროზე და ვიცი რა რთულია მოიპოვოს ტელვიზიამ რეკლამა. მოდი პირდაპირ ვთქვათ - მთელი მაფიოზური სქემაა. კერძო ტელევიზია ასეთ პირორბებში შეიძლება არ დაიხუროს, მაგრამ ის ვერ განვითარდება. 50 მილიონზე მეტი თანხა - ეს არის სერიოზული დაფინანსება ტელევიზიისთვის, რომელმაც პროდუქტი უნდა გვაჩვენოს და გვაჩვენოს რაში ვიხდით ხალხი ამ ფულს. წინააღმდეგ შემთხვევაში 50 მილიონით, ბავშვების გამოკვება შეუძლია სახელმწიფოს, რომელიც დღეს შიმშილობს.  ამიტომ, იკომერციული რეკლამის განთავსების შემთხვევაში, ჩვენ ვხედავთ საფრთხეს, დაირღვას მედია პლურალიზმი", - განაცხადა ირმა ინაშვილმა.

ავტორი: ,

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ