თადარიგის პოლკოვნიკის, დოდო გუგეშაშვილის განცხადებით, მას მისი შვილის მისამართით გასროლა არ უნახავს. ამის შესახებ გუგეშაშვილმა ”პირველისთვის” მიცემულ ინტერვიუში განაცხადა.

გუგეშაშვილის თქმით, მკვლელი სახლში ჩვეულებრივად შემოუშვა, ხოლო გასროლა რამდენიმე წუთში განხორციელდა. 

"სამწუხაროდ, მე არასოდეს მიფიქრია რაიმე სიფრთხილის დაცვაზე და ადამიანი, რომელიც ცდილობდა ვითომ საქმიან კონტაქტზე გამოსვლას, სახლში ჩვეულებრივად, რამდენჯერმე შემოვუშვი. ეს ადამიანი ჩემს სახლში პირველად არ ყოფილა. დიდი შუალედით მოდიოდა. ჩვეულებრივად ზარი დარეკა და მე სამწუხაროდ, როგორც ყოველთვის კარი ღია მქონდა. ის არ შემოჭრილა და ჩვეულებრივად შემოვიყვანე. რამდენიმე წუთის ინტერვალით კი, მესროლა. ჩემთვის სრულიად მოულოდნელი იყო. მახსოვს, რომ მესროლეს გულის არეში და მე მეგონა, რომ ჩემი ვაჟი უკვე სახლიდან გასული იყო. მესროლეს მე და ესროლეს შვილს. მაგრამ სროლის მომენტი ჩემი შვილის მიმართ მე არ მინახავს", - აღნიშნა პოლკოვნიკმა.

კითხვაზე - იყო თუ არა მკვლელი დაჭრილი, გუგეშაშვილმა უპასუხა, რომ ეს ტყუილია.

"ვერც იქნებოდა დაჭრილი. ჩუსტებით და ხალათით ვიყავი, ვერ ვესვროდი", - დასძინა მან. 

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს