საქართველოს პრემიერ-მინისტრი გიორგი კვირიკაშვილი მთავრობის დღევანდელ სხდომაზე პარლამენტის თავმჯდომარის აშშ-ში ვიზიტს გამოეხმაურა და მას ძალიან წარმატებული უწოდა.

კვირიკაშვილის თქმით, ვიზიტის ფარგლებში კიდევ ერთხელ დადასტურდა ამერიკის შეერთებული შტატების მხარდაჭერა საქართველოს განვითარების დღის წესრიგის, ტერიტორიული მთლიანობისა და სუვერენიტეტისადმი:

"მინდა გამოვეხმაურო პარლამენტის თავმჯდომარის ვიზიტს აშშ-ში. ვფიქრობ, რომ ძალიან მნიშნელოვანი და წარმატებული ვიზიტი იყო. პარლამენტის სპიკერი შეხვდა პოლ რაიანს, წარმოადგენელთა პალატის სპიკერს, ასევე არაერთ კონგრესმენს და ჰქონდა საინტერესო გამოსვლა ჯონს ჰოპკინსის უნივერსიტეტში. კიდევ ერთხელ დადასტურდა მყარი მხარდაჭერა აშშ-ის საქართველოს განვითარების დღის წესრიგისადმი, ასევე ტერიტორიული მთლიანობისა და სუვერენიტეტისადმი. მნიშვნელოვანია, რომ ყველა შეხვედრაზე იყო საუბარი იმ პოზიტიურ ძვრებზე, რომელიც საქართველოში მიმდინარეობს, რაც აუცილებელია ჩვენმა მეგობრებმა, როგორც უმნიშნელოვანესმა მონაწილეებმა ამ პროგრესის, იცოდნენ და ადასტურებდნენ საქართველოში მიმდინარე რეფორმების წარმატებას", - განაცხადა კვირიკაშვილმა და დასძინა, რომ ორ ქვეყანას შორის საპარლამენტო განზომილებას უმნიშვნელოვანესი როლი ეკისრება. 

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს