გერმანიის ერთ-ერთი მიწის, ჩრდილოეთ რეინ-ვესტფალიის მთავრობა საქართველოს მოქალაქეებისთვის დაწესებული უვიზო რეჟიმის გაუქმებას ითხოვს. ამის შესახებ WDR იუწყება.

მედია საშუალების ინფორმაციით, რეგიონის მთავრობა უვიზო მიმოსვლის გაუქმების მოთხოვნის მიზეზად საქართველოდან თავშესაფრის მაძიებელთა რაოდენობის ზრდას ასახელებს. ადგილობრივი ხელისუფლება მიიჩნევს, რომ თავშესაფრის მაძიებელტა მიმართ ზომები უნდა გამკაცრდეს.

ჩრდილოეთ რეინ-ვესტფალიის ინტეგრაციის საკითხებში მინისტრმა იოაჰიმ შტამპმა საქართველოს მოქალაქეებისთვის უვიზო რეჟიმის გაუქმების კამპანია უკვე წამოიწყო.

მედიის ცნობით, ჩრდილოეთ რეინ-ვესტფალიაში სულ უფრო მეტი ქართველი ჩადის, თუმცა მათ გერმანიაში დარჩენის არანაირი პერსპექტივა არ აქვთ.

WDR წერს, რომ რეგიონში საქართველოს მოქალაქეებთან გარკვეული პრობლემები იქმნება.

„პოლიციის ინფორმაციით, ლტოლვილთა ბანაკ ორლინგსჰაუზენში კრიმინალური სიტუაცია მკვეთრად გაუარესდა. აღნიშნულ ბანაკში მცხოვრებთა ნაწილი საქართველოს მოქალაქეები არიან", - წერს მედია.

ავტორი: ,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას