რუსული და ირანული ფული, სანქციები, ტერორიზმთან დაკავშირებული ფინანსური სქემები, თაღლითური ქოლ-ცენტრები - ეს არის ივანიშვილის საქართველო, სადაც ადამიანებს მომავლის იმედი ეკარგებათ, - ამის შესახებ „ერთიანი ნაციონალური მოძრაობის“ დროებითი მმართველობითი საბჭოს ერთ-ერთმა წევრმა, ლაშა ფარულავამ ბრიფინგზე განაცხადა.

მისივე თქმით, გლდანის თავისუფალ ეკონომიკურ ზონაში ივანიშვილთან დაკავშირებული ირანული კომპანია ტერორიზმთან კავშირის გამო აშშ-მ დაასანაქცირა, რაც საქართველოს რეპუტაციის პირდაპირი შელახვაა.

„ივანიშვილის რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია. დღეს უკვე იქამდე მივედით, რომ ივანიშვილთან დაკავშირებული, გლდანის თავისუფალ ეკონომიკურ ზონაში რეგისტრირებული ირანული კომპანია აშშ-მა ტერორიზმის მხარდაჭერასთან დაკავშირებული საქმიანობის გამო დაასანქცირა. ეს საქართველოს სახელისა და რეპუტაციის საკითხია, რომელიც ასე დაბლა არასდროს დასულა. კრიპტო-სფეროს 2023 წლიდან ეროვნული ბანკი არეგულირებს. ამიტომ ამ ყველაფერზე პასუხისმგებლობა ეკისრება ბიძინა ივანიშვილს და ეროვნულ ბანკში მის მიერ მოყვანილ ნათია თურნავას. ერთი მხრივ, გლდანში ივანიშვილისა და ბაჩიაშვილის კრიპტო-მაინინგმა მილიარდობით დოლარის შემოსავალი მოიტანა მათ, ამ ყველაფრის საფასურს კი ხალხი იხდის: გაძვირებული დენის ტარიფით და უკვე სამჯერ ჩაბნელებული საქართველოთი. ახლა კი იგივე თავისუფალი ეკონომიკური ზონა, სადაც ასეთი ბიზნესი იყო რეგისტრირებული, ტერორიზმის მხარდაჭერასთან დაკავშირებული ფინანსური საქმიანობის კონტექსტშიც აღმოჩნდა. აი, ეს არის ივანიშვილის რეჟიმის რეალური ფასი: ისინი მდიდრდებიან, საქართველო კი კარგავს რეპუტაციას. რუსული და ირანული ფული, სანქციები, ტერორიზმთან დაკავშირებული ფინანსური სქემები, თაღლითური ქოლ-ცენტრები - ეს არის ივანიშვილის საქართველო, სადაც ადამიანებს მომავლის იმედი ეკარგებათ. ეს არის ჩვენი სახელმწიფოს, ჩვენი შვილების მომავლისა და საქართველოს ევროპული გზის განადგურება ერთი რუსი ოლიგარქის ჯიბის გასავსებად. ცხადია, ამაზე პასუხისმგებლობა ივანიშვილის „ოცნებას“ და ნათია თურნავას ეკისრებათ. საქართველო მათი გამდიდრების ფასს იხდის და საკუთარ მომავალს კარგავს. ნათია თურნავა ამაზე აუცილებლად აგებს პასუხს, ამ რეჟიმის დირიჟორთან ერთად“, - განაცხადა ფარულავამ.

ავტორი: ექსპრესნიუსი,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი