2026-08-08 23:00:07, 1391 ნახვა

---

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ. აშშ-ის ფინანსთა სამინისტროს უცხოური აქტივების კონტროლის ოფისი კომპანიას ადანაშაულებს საერთაშორისო ფულის გათეთრებისა და სანქციებისგან თავის არიდების სქემაში მონაწილეობაში, რომელიც ირანისა და IRGC-ის სასარგებლოდ იყო განხორციელებული.

აღნიშნულია, რომ საქართველოში რეგისტრირებული იურიდიული პირი ირანის რეჟიმის უსაფრთხოების ძალებისთვის კრიპტოაქტივების ტრანზიტის მთავარ ცენტრს წარმოადგენდა. IRGC-ის მიერ კონტროლირებადმა კრიპტო მისამართებმა 1 მილიონ დოლარზე მეტი ღირებულების აქტივები გადარიცხეს Shelbit Exchange-ის ანგარიშებზე, ხოლო 2 მილიონ დოლარზე მეტი საპირისპირო მიმართულებით - Shelbit-დან IRGC-ის სუბიექტებში გადაირიცხა.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი