"ბახალას" საქმეზე ხვალ დასკვნითი პროცესი გაიმართება

2018-01-22 20:36:48, 2427 ნახვა

სამართალი

თბილისის საქალაქო სასამართლოში ხვალ გიორგი გიორგანაშვილის საქმის განხილვა გაგრძელდება.

ბრალდებული საბოლოო სიტყვით გამოსვლის უფლებით ისარგებლებს. შესაძლოა, საქმის განხილვა ხვალვე დასრულდეს, ან მოსამართლემ გამოიყენოს თათბირის უფლება და განაჩენი მოგვიანებით გახდეს ცნობილი.

პროცესი 14:30 საათზეა ჩანიშნული.

ნარკოტიკული ნივთიერების, ბუპრენორფინის შენახვის ბრალდებით მსახიობი გიორგი გიორგანაშვილი იგივე “ბახალა” 2017 წლის იანვარში დააკავეს.იგი წინასწარი პატიმრობიდან 20 000 ლარიანი გირაოს სანაცვლოდ გათავისუფლდა. გიორგი გიორგანაშვილი ბრალს არ აღიარებს და ამბობს, რომ ნარკოტიკი ჩაუდეს. ბრალის დამტკიცების შემთხვევაში მას 8 წლიდან 20 წლამდე, ან უვადო თავისუფლების აღკვეთა ემუქრება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები