გოცირიძე: ფრაქციების შექმნა 3 წლის განმავლობაში ხარჯებს დაახლოებით მილიონი ლარით გაზრდის

2017-12-27 14:57:42, 2321 ნახვა

ეკონომიკა

„ნაციონალური მოძრაობის“ წევრის რომან გოცირიძის განცხადებით, საპარლამენტო უმრავლესობაში დამატებით 2 ფრაქციის შექმნა დარჩენილი 3 წლის განმავლობაში ხარჯებს დაახლოებით მილიონი ლარით გაზრდის:

„4 მანქანა, მარტო ერთ მანქანას საწვავი 30 ათასი უნდა წელიწადში და ერთი ამდენი მძღოლის ხელფასი. ხარჯები რა თქმა უნდა გაიზრდება. ამ ფრაქციას მოსდევს დამატებით სხვა ხარჯები, მაგალითად ფრაქციას აქვს აპარატი, ტექნიკური მომსახურება- საკანცელარიო, ქსეროქსები. რაღაც ნაწილი გადმოვა ძველი ფრაქციიდან, მივლინების და სხვა ხარჯები. მთლიანობაში დაახლოებით მილიონი ლარით გაზრდის ხარჯებს დარჩენილი 3 წლის განმავლობაში”,-აღნიშნა გოცირიძემ.

პარლამენტის საპროცედურო საკითხთა და წესების კომიტეტმა დღეს საპარლამენტო უმრავლესობაში დამატებით 2 ფრაქციის შექმნას მხარი დაუჭირა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები