კრიპტოვალუტების ფასები 2017 წელს მნიშვნელოვნად გაიზარდა და ინვესტორები მათში კვლავ დიდ პერსპექტივას ხედავენ. ექსპერტები ამბობენ, რომ მიმდინარე წელი კრიპტოვალუტის წლად გამოცხადდება.

კრიპტოგრაფიული ვალუტებიდან ბიტკოინი ყველაზე პოპულარულია. მისი საბაზრო ღირებულება, დღესდღეობით, ყველაზე დიდია. შესაბამისად, ის  ყველაზე წარმატებული ციფრული ვალუტაა.

ბიტკოინის შესახებ დღეს ხშირად საუბრობენ. დაობენ მის დადებით და უარყოფით მხარეებზეც. საზოგადოების ერთი ნაწილი მას უსაფრთხო ვალუტად მიიჩნევს მაშინ, როდესაც მეორე ნაწილი ფიქრობს, რომ მისი ნდობა არ შეიძლება, რადგან ფულის ამ ერთეულის მოხმარებისას ადამიანი არასდროს არის დაცული.

მსოფლიოში სულ 6 ქვეყანაა, რომელშიც ბიტკოინი იკრძალება.

2014 წელს ბოლივიის ცენტრალურმა ბანკმა აკრძალა ყველა ვალუტა, რომლებზეც სამთავრობო რეგულირება არ ვრცელდება. ამ სიაში ბიტკოინიც მოხვდა. ეკვადორში ფულის ელექტრონული მიმოცვლა დაშვებულია, თუმცა კრიპტოვალუტების გამოყენება იკრძალება.  ბიტკოინის გამოყენებას ბანგლადეშში ორი კანონი კრძალავს - 1947 წლის საგარეო ვალუტის კონტროლის აქტი და 2012 წლის ფულით თაღლითობის კონტროლის აქტი.

შემდეგი ქვეყანაა ყირგიზეთი, სადაც 2014 წლის ივლისში ყირგიზეთის მთავრობამ  განმარტა, რომ ბიტკოინისა თუ სხვა კრიპტოვალუტის გადახდის ფორმად გამოყენება არალეგალურია. 

ნეპალის მთავრობამ ბიტკოინი იმ მიზეზით აკრძალა, რომ მას ტრანზაქციებზე თვალის მიდევნება არ შეუძლია. ნეპალში ადამიანთა გარკვეული ჯგუფიც დააკავეს, მათ ბრალი ბიტკონით ვაჭრობაში დაედოთ.

ბიტკოინი მაროკოში მიმდინარე წლის ნოემბერში აიკრძალა. ქვეყნის ცენტრალურ ბანკს აკრძალვასთან დაკავშირებით სხვა ქვეყნების მსგავსი განცხადება  ჰქონდა: "ბიტკოინი დახურული საგადასახადო სისტემაა, რომელსაც საფინანსო ინსტიტუციები ვერ აკონტროლებენ."

ავტორი: ,

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა