„რუსეთის ეკლესია აღაირებს საქართველოს ავტოკეფალიის ქვეშ სწორედ აფხაზეთსა და ცხინვალის რეგიონს, ეს არის მოცემულობა და სწორი მიდგომა განსხვავებით იმ პოლიტიკისგან, რასაც რუსეთის სახელმწიფო ახორციელებს საქართველოს მიმართ“,-ამის შესახებ ჟურნალისტებს  შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა განუცხადა.

რაც შეეხება  რუსეთის საპატრიარქოს მზადყოფნას, შეიქმნას სამუშაო ჯგუფი, რომელიც აფხაზეთსა და  ოსეთში შექმნილ ვითარებას განიხილავს,  ციხელაშვილის თქმით, საქართველო სეკულარული სახელმწიფოა და აქედან გამომდინარე, ეს ეკლესიების საქმეა:

„ეს არ არის სახელწმიფოს საქმე, ეს არის ეკლესიების საქმე. საბედნიეროდ, სეკულარული სახელმწიფო გახლავართ. რაც შეეხება იმას, რომ რუსეთის ეკლესია აღიარებს საქართველოს ავტოკეფალიის ქვეშ სწორედ აფხაზეთსა და ცხინვალის რეგიონს, ეს არის მოცემულობა და სწორი მიდგომა განსხვავებით იმ პოლიტიკისგან,  რასაც რუსეთის სახელმწიფო ახორციელებს საქართველოს მიმართ. მე სხვა დეტალებზე ვერ მოგახსენებთ, ბუნებრივია, ნებისმიერი ნაბიჯი, რომელიც პრობლემის მოგვარებისკენ იქნებოდა მიმართული, მისასალმებელია, მაგრამ მე არ ვიცნობ დეტალებს, ეს არ არის ჩვენი გადაწყვეტილება“,-განაცხადა ქეთევან ციხელაშვილმა.

შეგახსენებთ, საქართველოს კათოლიკოს-პატრიარქმა უწმინდესმა და უნეტარესმა ილია მეორემ რუსეთის პატრიარქისგან კირილისგან მოწვევა მიიღო. ილია მეორე კირილიმ  მოსკოვში რუსეთის პატრიარქის ტიტულის აღდგენის 100 წლისთავისადმი მიძღვნილ ღონისძიებებზე დაპატიჟა. გზავნილი კათალიკოსს პირადად რუსეთის ეკლესიის საგარეო საქმეთა განყოფილების ხელმძღვანელმა ილარიონ ალფეევმა გადასცა.

მიტროპოლიტ ილარიონ ალფეევის განცხადებით, რუსეთის მხარე მზად არის სამუშაო ჯგუფი აამოქმედოს.

“მინდა რუსეთის პატრიარქ კირილესგან მოკითხვა გადმოგცეთ, მან ასევე მთხოვა გადმომცა თქვენთვის რომ გელოდებათ რუსეთში, დიდი სიყვარულით, რუსეთის მართლმადიდებელი ეკლესიის პატრიარქობის აღდგენის 100 წლის იუბილეზე. იმედი გვაქვს რომ თქვენ და თქვენი დელეგაციის წევრებს ამ დღესასწაულზე გიხილავთ. ჩვენ მოვიწვიეთ სხვადასხვა მართლმადიდებელი ეკლესიის მეთაურები და უმრავლესობისგან დადებითი პასუხი მივიღეთ. 4 დეკემბერს მაცხოვრის სახელობის ტაძარში სადღესასწაულო წირვა აღევლინება“,-განაცხადა რუსეთის ეკლესიის საგარეო საქმეთა განყოფილების  ხელმძღვანელმა, მიტროპოლიტმა  ილარიონ ალფეევმა.

ავტორი: ,

სოციალური ქსელები

ზელენსკი: ბელგიასთან წლის ბოლომდე სამი F-16-ის გადაცემის შესახებ შეთანხმება არსებობს

The Atlantic: ტრამპმა მხარი დაუჭირა რუსეთის წინააღმდეგ სანქციების შემსუბუქების იდეას პოლიტპატიმრების გათავისუფლების სანაცვლოდ

DataIQ-მ ნადარეიშვილი მონაცემთა ანალიტიკის, AI-ის მიმართულებით წლის ლიდერად დაასახელა

უკიდურესად მიუღებელია - ზვიადაძე ირანის ელჩის განცხადებაზე