„ერთიანი ნაციონალური მოძრაობის“ თბილისის მერობის კანდიდატმა ზაალ უდუმაშვილმა საკუთარი არჩევანი უკვე დააფიქსირა.

როგორც მან ჟურნალისტებს განუცხადა, ხმა წარმატებულ თბილისს მისცა.

ამასთან, მერობის კანდიდატმა ამომრჩევლებს აქტიურობისკენ მოუწოდა:

„მე მივეცი ხმა წარმატებულ თბილისს, ჩვენი შვილების მომავალს, ადამიანებზე და თბილისელებზე  ორიენტირებულ ქალაქს. მინდა, ყველა ამომრჩეველს მოვუწოდო, რომ აუცილებლად იაქტიურეთ, მოდით არჩევნებზე, დააფიქსირეთ თქვენი პოზიცია, ვინაიდან ახლა სწორედ თქვენ განსაზღვრავთ ამ ქალაქის ბედს, თქვენი აქტიურობა იქნება იმის გარანტია, რომ გაყალბებას არჩევნებზე თავიდან ავიცილებთ. კარგი საარჩევნო ამინდია ნამდვილად დღეს, მობრძანდით ყველა არჩევნებზე“,-აღნიშნა ზაალ უდუმაშვილმა.

შეგახსენებთ, ამომრჩევლები 64 საკრებულოს 2058 წევრს და 64 მერს აირჩევენ. არჩევნები საერთო ჯამში 3634 საარჩევნო უბანზე ტარდება, მათ შორის, 10 გამონაკლის შემთხვევაში შექმნილი უბანია. 21 ოქტომბრის არჩევნებისთვის ამომრჩეველთა ერთიან სიაში 3 440 123 ამომრჩეველია რეგისტრირებული.

ავტორი: ,

სოციალური ქსელები

ერთი გაბედული ნაბიჯი ახალი შესაძლებლობებისკენ – გაიცანით ანასტასია, საქართველოს ბანკის სტიპენდიატი UWC პროგრამაში

პარლამენტმა პირველი მოსმენით მხარი დაუჭირა ცვლილებას, ერთიანი, 100 000-ლარიანი ზღვრის დაწესების შესახებ

„გაიარე მეტი“ ანტარქტიდაზე - „თეგეტას“ მხარდაჭერით პირველი ქართული სამეცნიერო ექსპედიცია „ცისკარი“ სტარტისთვის ემზადება

შსს: 1 ოქტომბრის აქციაზე ენმ-ს გაფრთხილება კანონის მოთხოვნებს არ აკმაყოფილებდა