ხვალ არის სწორედ ის დღე, როდესაც თქვენ უნდა აგებინოთ პასუხი „ქართულ ოცნებას“, - ასე მიმართა მხარდამჭერებს „ევროპული საქართველოს“ თბილისის მერობის კანდიდატმა ელენე ხოშტარიამ პარტიის ოფისში გამართულ ბრიფინგზე.

”ხვალ ძალიან მნიშვნელოვანი დღეა თბილისისთვის, რადგან სწორედ ხვალ, თბილისმა, ყოველმა მოქალაქემ უნდა მიიღოს გადაწყვეტილება და მოთხოვოს პასუხი ხელისუფლებას, რომელმაც გადაწყვიტა, რომ ტყუილებით მოვიდეს ხელისუფლებაში, მოატყუოს ადამიანები, რომ ცხოვრება გაუმჯობესდება და გააუარესოს. ხვალ არის სწორედ ის დღე, როდესაც თქვენ უნდა აგებინოთ პასუხი „ქართულ ოცნებას“. მშვიდობიანი, ყოველგვარი რყევის გარეშე, არჩევნების დემოკრატიული გზით უნდა ვაგებინოთ პასუხი „ქართულ ოცნებას“ იმ მავნებლობაზე, ტყუილებზე და მტაცებლობაზე, რითაც ისინი იყვნენ დაკავებული ქალაქსა და მთლიანად ქვეყანაში ამ წლების განმავლობაში. ჩემთვის ამ კამპანიის განმავლობაში, არასდროს არ ყოფილა მიზანი, რომ მომენადირებინა თქვენი ხმები, ჩვენთვის მნიშვნელოვანია თქვენ გაგიჩნდეთ ნდობა, იმედი და რწმენა იმისა, რომ თბილისში ჩვენ აუცილებლად შეგვიძლია მოვიტანოთ სასიკეთო ცვლილებები. ყველას მოგიწოდებთ, გამოვხატოთ ეს რწმენა, ნდობა და „ევროპულ საქართველოს“, გუნდს, რომელსაც აქვს დიდი გამოცდილება, შეუძლია პასუხისმგებლობის აღება, გვანდოთ თბილისის განვითარება”, - განაცხადა ელენე ხოშტარიამ.

ხვალ ადგილობრივი თვითმმართველობის არჩევნები გაიმართება.

ავტორი: ,

სოციალური ქსელები

ერთი გაბედული ნაბიჯი ახალი შესაძლებლობებისკენ – გაიცანით ანასტასია, საქართველოს ბანკის სტიპენდიატი UWC პროგრამაში

პარლამენტმა პირველი მოსმენით მხარი დაუჭირა ცვლილებას, ერთიანი, 100 000-ლარიანი ზღვრის დაწესების შესახებ

„გაიარე მეტი“ ანტარქტიდაზე - „თეგეტას“ მხარდაჭერით პირველი ქართული სამეცნიერო ექსპედიცია „ცისკარი“ სტარტისთვის ემზადება

შსს: 1 ოქტომბრის აქციაზე ენმ-ს გაფრთხილება კანონის მოთხოვნებს არ აკმაყოფილებდა