„ზაზა ხუციშვილმა გარკვეულწილად უპასუხა იმ სულელურ გამოხტომას, რაც იყო „ნაციონალური მოძრაობის“ მხრიდან, გვარი არ მინდა დავასახელო", - ასე გამოეხმაურა პარლამენტის ვიცე-სპიკერი გია ვოლსკი სოფელ ყიზილაჯლოში მომხდარ თავდასხმას.

დეპუტატის თქმით, აღნიშნულ საქმესთან დაკავშირებით, ყველა საკითხი იქნება გამოძიებული.

"ზაზა ხუციშვილმა გარკვეულწილად უპასუხა იმ სულელურ გამოხტომას, რაც მოახდინა "ნაციონალური მოძრაობის“ მხარემ, გვარი არ მინდა დავასახელო. რაღაც ყოვლად გაუგონარ თემას სთავაზობს საზოგადოებას. თქვა, რომ რაღაც შიდა დაპირისპირებები იყო. ასე მგონია, რომ ყველა პოლიტიკოსმა და თითოეულმა ადამიანმა თავი უნდა შეიკავოს გამოძიების მიმდინარეობის გარკვეული პოლიტიკური თემებით დატვირთვისგან. ყველა საკითხი იქნება გამოძიებული, როგორც შს მინისტრმა განაცხადა და ეს იქნება კომპეტენტური პასუხი. იქამდე სანამ ეს პასუხი არ იქნება თავი უნდა შევიკავოთ ყველაფრისგან. უცხოელები ერიდებიან ამ თემის ასეთ წარმოჩენას და ჩვენ შიგნით, ამ ქვეყნის პატრიოტებმა განსაკუთრებული პასუხისმგებლობა უნდა ავიღოთ. ასეთი ფაქტი არჩევნების წინ თუ არჩევნების შემდგომ, ჩრდილს აყენებს საზოგადოებას. სამწუხაროდ კრიმინალური მოვლენები ქვეყანაში ხდება და არა მარტო საქართველოში", - განაცხადა ვოლსკიმ.

ცნობისთვის, საპარლამენტო უმრავლესობის წევრმა ზაზა ხუციშვილმა განაცხადა, რომ ყიზილაჯლოში მომხდარ ინციდენტთან დაკავშირებით დეტალური ინფორმაცია არ აქვს, თუმცა აღნიშნა, რომ წინასაარჩევნოდ „ნაციონალური მოძრაობის“ ქმედებებს ხედავს.

შეგახსენებთ, მარნეულის რაიონის სოფელ ყიზილაჯლოში, პარტია „ქართული ოცნების“ საარჩევნო შტაბის მიმდებარე ტერიტორიაზე, დაუდგენელმა პირმა ავტომატური ცეცხლსასროლი იარაღიდან გასროლით 4 პირი დაჭრა.

ავტორი: ,

სოციალური ქსელები

ერთი გაბედული ნაბიჯი ახალი შესაძლებლობებისკენ – გაიცანით ანასტასია, საქართველოს ბანკის სტიპენდიატი UWC პროგრამაში

პარლამენტმა პირველი მოსმენით მხარი დაუჭირა ცვლილებას, ერთიანი, 100 000-ლარიანი ზღვრის დაწესების შესახებ

„გაიარე მეტი“ ანტარქტიდაზე - „თეგეტას“ მხარდაჭერით პირველი ქართული სამეცნიერო ექსპედიცია „ცისკარი“ სტარტისთვის ემზადება

შსს: 1 ოქტომბრის აქციაზე ენმ-ს გაფრთხილება კანონის მოთხოვნებს არ აკმაყოფილებდა