თურქეთის ქალაქ სტამბოლში ტაქსებში ვიდეო-კამერებს ამონტაჟებენ, - ამის შესახებ "ამერიკის ხმა" იუწყება.

როგორც ქალაქის ადმინისტრაცია აცხადებს, კამერები მძღოლების და მგზავრების უსაფრთხოებას უზრუნველყოფს.

მედია საშუალების ინფორმაციით, არსებობს შიში, რომ კამერები მოსახლეობაზე თვალთვალის და კონტროლის მექანიზმად იქნება გამოყენებული, რადგან 2016 წელს მომხდარი პუტჩის შემდეგ ქვეყნის მასშტაბით ხელისუფლებამ 60 000-მდე ადამიანი დააპატიმრა და 200 000-მდე ადამიანი სამსახურიდან გაათავისუფლა.

მედიის ცნობით, აღნიშნულ ინიციატივას ბევრი აკრიტიკებს.

როგორც "ამერიკის ხმა" წერს, მგზავრისთვის კამერა მანქანაში ჩაჯდომისთანავე იქნება შესამჩნევი, თუმცა უცნობია კამერები მხლოდ გამოსახულებას ჩაიწერენ თუ ხმასაც.

მედია იტყობინება, რომ ზოგიერთ მძღოლს მთავრობის ახალი ინიციატივა მოსწონს და მათი თქმით, კამერები საგზაო შემთხვევებს ან მძღოლებზე თავდასხმას ასახავს. ამასთან, მძღოლები აღიარებენ, რომ არ იციან ვინ არის კამერის მეორე მხარეს, ანუ ვინ უყურებს მათ.

იდეა ზოგიერთ მგზავრსაც მოეწონა. მათ აღნიშეს, რომ კამერები შეამცირებს მძღოლების მხრიდან ქალ მგზავრებზე ძალადობის და მათი შევიწროვების ფაქტებს. თუმცა, მათ არ სჯერათ, რომ მთავრობის განზრახვა კრიმინალთან ბრძოლაა.

სტამბოლის ბილგის უნივერსიტეტის სამართლის პროფესორი იამან აკდენიზი ამბობს, რომ მთავრობის მიერ მსგავსი სადამსჯელო პოლიტიკის გატარების შემდეგ, არაა გასაკვირი ამ სიახლის მიზანი სწორედ მიყურადება იყოს.

ავტორი: ,

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?