კატალონიის ქალაქ მანლეუში ერთ-ერთ საარჩევნო უბანთან პნევმატური იარაღიდან გასროლის შედეგად, 4 ადამიანი დაშავდა, - ამის შესახებ Vanguardia იუწყება.

მედია საშუალების ინფორმაციით, სროლა ადგილობრივი დროით 22:00 საათზე ერთ-ერთი სკოლის შენობასთან მოხდა, სადაც რეფერენდუმის დაცვის კომიტეტის წევრები პოლიციას საარჩევნო უბნის დალუქვის საშუალებას არ აძლევდნენ.

მედია წერს, რომ არც ერთ დაშავებულს სამედიცინო დახმარება არ დასჭირვებია. ინციდენტთან დაკავშირებით სამართალდამცველებმა გამოძიება დაიწყეს.

ბოლო გამოკითხვის თანახმად, კატალონიის დამოუკიდებლობა ავტონომიური რეგიონის მოსახლეობის 41% უჭერს მხარს, ხოლო 49% წინააღმდეგია. ამასთან რეფერენდუმის ჩატარებას მოსახლეობის 80% უჭერს მხარს, თუმცა ისინი თვლიან, რომ პლებისციტის ჩატარება მადრიდთან უნდა იყოს შეთანხმებული.

შეგახსენებთ, რომ კატალონიის ესპანეთიდან გამოყოფის რეფერენდუმი 1 ოქტომბერს არის დანიშნული. რეფერენდუმს ესპანეთის ხელისუფლება არ აღიარებს. პლებისციტის ჩატარება ავტონომიური რეგიონის პარლამენტმა 7 სექტემბერს მიიღო. თავის მხრივ ესპანეთის უზენაესმა სასამართლომ ყველა დოკუმენტაცია და ქმედება აღნიშნულ საკითხთან დაკავშირებით არალეგიტიმურად სცნო.

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს