რუსეთის მონარქისტული პარტიის დამფუძნებელმა, მილიარდერმა ანტონ ბაკოვმა განაცხადა, რომ 2018 წლის საპრეზიდენტო არჩევნებზე საკუთარ კანდიდატურას დააყენებს, - ამის შესახებ Lenta.ru იუწყება.

როგორც ბაკოვმა აღნიშნა, ის სავარაუდოდ საკუთარი პარტიიდან იყრის კენჭს.

მილიარდერის თქმით, ის არჩევნებზე 2 თეზისით გავა. პირველი რომანოვების დინასტიის აღდგენაა. კერძოდ კი, ვატიკანის მსგავსი მინისახელმწიფოს მეთაურის სახით.

მეორე თეზისი, ბაკოვის თქმით, მონარქიული ინტერნაციონალის, ე.წ. წმინდა კავშირის შექმნაა, რომელიც XIX საუკუნეში არსებობდა.

ბაკოვმა სახელი შემდეგი იდეით გაითქვა: ის აცხადებდა, რომ კირიბატის რესპუბლიკაში რომანოვების იმპერიის აღმშენებლობა სურდა. აღნიშნული პროექტის განსახორციელებლად ბაკოვის თქმით, 350 მილიონი დოლარია საჭირო.

შეგახსენებთ, რომ 2018 წელს რუსეთის ფედერაციაში საპრეზიდენტო არჩევნებია დაგეგმილი. არჩევნებში კენჭს მოქმედი პრეზიდენტი ვლადიმერ პუტინიც იყრის.

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს