რუსი ოპოზიციონერი ალექსეი ნავალნი ისევ დააკავეს, - ამის შესახებ BBC იუწყება.

სამართალდამცველების თქმით, მისი დაკავების მიზეზი გახდა ოპოზიციონერის მოწოდებები. კერძოდ კი, პოლიტიკოსი მოსახლეობას მოუწოდებდა, არასანქცირებულ მიტინგებში მიეღოთ მონაწილეობა.

მანამდე საგამოძიებო უწყებაში აცხადებდნენ, რომ ნავალნი დაკავებული არ არის და ის უწყებაში გამოკითხვაზე მიიყვანეს.

ამასთან, ნავალნის განცხადებით, მისი დაკავება კრემლის განკარგულებით მოხდა.

"კრემლი აღიქვამს ჩემს შეხვედრებს ამომრჩევლებთან, როგორც საფრთხეს და შეურაცხყოფას. რადგან მათთან შეხვედრაზე უფასოდ არავინ მიდის. როგორც ყოველთვის დამაკავეს და არაფერს მეუბნებიან. როცა ვიკითხე, რატომ ვარ დაკავებული, მითხრეს გავერკვევითო. ბებერ პუტინს არ უნდა რომ ნოვგოროდში დაგეგმილ მიტინგზე წავიდე. სადარბაზოშივე დამაკავეს, როდესაც გამგზავრებას ვაპირებდი", - წერს ოპოზიციონერი Twitterის საკუთარ გვერდზე.

ცნობისთვის, დღეს ნიჟნი ნოვგოროდში მიტინგია დაგეგმილი, რომელიც მოსკოვის დროით 18:00 საათზე დაიწყება.

შეგახსენებთ, რომ ეს ალექსეი ნავალნის დაკავების პირველი შემთხვევა არ არის. ბოლოს ის 12 ივნისს დააკავეს. მაშინ ის კრემლის მიმდებარე ტერიტორიაზე აქციის ჩატარებას გეგმავდა.

ავტორი: ,

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს