ეკონომიკის მინისტრი გიორგი გახარია აეროპორტებში შექმნილ პრობლემას გამოეხმაურა.

კერძოდ, აეროპორტებში, სადაც  მგზავრების როგორც ფიზიკურ, ისე ონლაინ რეგისტრაციას საერთაშორისო სისტემა SITA ახდენს, რეისები შეფერხდა. მიზეზი ისაა, რომ გარკვეული ხარვეზები შეექმნა საერთაშორისო სისტემა SITA-ს, რის გამოც   მხოლოდ ფიზიკური რეგისტრაცია მიმდინარეობს. გახარიას ინფორმაციით, პრობლემა რამდენიმე საათში აღმოიფხვრება.

,,წუხელ გვიან ღამით გარკვეული ხარვეზები შეექმნა საერთაშორისო სისტემა SITA-ს, რომელიც ახდენს მგზავრების როგორც ფიზიკურ რეგისტრაციას, ისე ონლაინ რეგისტრაციას. როგორც ჩანს, არ არის პრობლემა მხოლოდ თბილისის აეროპორტში. სხვა აეროპორტებშიც არის პრობლემა და ჩვენ ვარკვევთ SITA-ს სათავო ოფისთან  როდის მოგვარდება პრობლემა. პრობლემა მდგომარეობს იმაში, რომ ახლა აეროპორტში მგზავრების ფიზიკური რეგისტრაცია მიმდინარეობს და არა ონლაინ. ამ წუთებში რეისების შეფერხების საშუალო დრო არის 15-20 წუთი, არის რიგების პრობლემა, იმიტომ, რომ ყველა ადამიანი უნდა მივიდეს და ფიზიკურად დარეგისტრირდეს ონლაინ რეგისტრაციის არარსებობის გამო. თბილისისა და ბათუმის მმართველი კომპანია უახლოეს წუთებში გააკეთებს განცხადებას. უფრო კონკრეტული დეტალიზაციისთვის როდის აღმოიფხვრება პრობლემა, რამდენიმე საათში“,-განაცხადა  გიორგი გახარიამ.

ამასთან, პრემიერმა შინაგან საქმეთა და ჯანდაცვის სამინისტროებს სთხოვა, განსაკუთრებული ყურადღება მიაქციონ იმ ადამიანების მდგომარეობას, რომლებსაც ტურისტების გაზრდილი ნაკადის გამო ზემო ლარსის გამშვებ პუნქტზე შექმნილი გარკვეული შეფერხებების გამო რიგში ლოდინი უწევთ. „მიღებულია ზომები მათი სასმელი წყლითა და სამედიცინო მომსახურებით უზრუნველყოფისთვის, თუმცა, განსაკუთრებით მაღალი ტემპერატურის პირობებში საჭიროა ყურადღება. ჩვენ უახლოეს პერიოდში გვექნება იქ უკვე ინფრასტრუქტურულად მოწყობილი ტირპარკები და დიდი იმედი მაქვს, ეს პრობლემაც გადაიჭრება. დღესდღეობით, ვიდრე ასეთი ინფრასტრუქტურა შეიქმნება, მინდა გთხოვოთ, ასეთ ყოველდღიურ რეჟიმში უზრუნველყოთ ის სერვისები, რომლებიც ამ ადამიანებს სჭირდებათ”,-აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოდაჯილდოება „ელისო“ 2026-ის გამარჯვებულები ცნობილია

საქართველოს ბანკის მხარდაჭერით, ქართული ღვინის ექსპორტის შესახებ ვორკშოპი გაიმართა

არ გამოგრჩეთ „გორგილაძის აუტანელი სიმსუბუქის“ ახალი ეპიზოდი 16 ივნისს YouTube-ზე - პროექტის მხარდამჭერია საქართველოს ბანკი

განათლების სამინისტროს ცნობით, სასულიერო პირები საჯარო სკოლებში კლუბებს ხსნიან