გიორგი კვირიკაშვილი: ზღვის პირებზე მაშველებმა ასობით ადამიანი გადაარჩინეს

2017-08-10 10:47:36, 2204 ნახვა

საზოგადოება

საქართველოს პრემიერ-მინისტრის გიორგი კვირიკაშვილის განცხადებით, მაშველებმა ზღვის პირებზე ასობით ადამიანი გადაარჩინეს.

კვირიკაშვილის თქმით, სამაშველო სამსახური ძალიან გამართულად მუშაობს:

"თითქოს ყოველდღიურ რუტინად იქცა 5-10 ადამიანის გადარჩენა ზღვისპირეთში და უკვე 100-ზე მეტია მაშველების მიერ გადარჩენილ ადამიანთა რიცხვი. მინდა, კიდევ ერთხელ გავუსვა ხაზი ამ სტრუქტურის გამართულ მუშაობას და იმ ადამიანების გმირობას, რომლებიც თავისი სიცოცხლის რისკის ფასად სხვა ადამიანების სიცოცხლეზე ზრუნავენ. ვფიქრობთ, ეს სტრუქტურა არის რა თქმა უნდა კიდევ უფრო გასაძლიერებელი”,-აღნიშნა გიორგი კვირიკაშვილმა და დასძინა, რომ საქართველოში ტურისტების მატებასთან ერთად, გამოწვევებიც იზრდება და გაზრდილი გამოწვევების პირობებში, სტრუქტურის მუშაოგბის გაუმჯობესებას უნდა მიექცეს ყურადღება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან