მთავარმა პროკურატურამ პოლონეთს საქართველოს ყოფილ პრეზიდენტის, მიხეილ სააკაშვილის საკითხთან დაკავშირებით მიმართა.

ამის შესახებ „ექსპრესნიუსს“ პროკურატურის საზოგადოებასთან ურთიერთობის დეპარტამენტის უფროსის მოადგილემ, გიორგი გრძელიშვილმა განუცხადა.

„გუშინ მივმართეთ პოლონეთის მხარეს მიხეილ სააკაშვილის საკითხთან დაკავშირებით, მას შემდეგ, რაც გავრცელდა ინფორმაცია მედიასაშუალებებში, რომ იგი იმყოფებოდა პოლონეთში. ამ დროისთვის მიმდინარეობს შესაბამისი სამართლებრივი პროცედურები“, - აღნიშნა გრძელიშვილმა.

შეგახსენებთ, საქართველოს ყოფილი პრეზიდენტი მიხეილ სააკაშვილი აშშ-დან პოლონეთში გუშინ ჩავიდა. მას შემდეგ, რაც უკრაინის პრეზიდენტმა პეტრო პოროშენკომ სააკაშვილს მოქალაქეობა ჩამოართვა, იგი არც ერთი ქვეყნის მოქალაქე არ არის. თუმცა, ყოფილი პრეზიდენტი აცხადებს, რომ პოლონეთში ჩასვლისას მას არავითარი პრობლემები არ შექმნია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ