შინაგან საქმეთა მინისტრის მოადგილე, შალვა ხუციშვილი საქართველოში ინდოეთის რესპუბლიკის საგანგებო და სრულუფლებიან ელჩს, იოგეშვარ სანგვანს შეხვდა.

შსს-ს ინფორმაციით, შეხვედრაზე მხარეებმა საქართველოსა და ინდოეთის რესპუბლიკის სამართალდამცავ უწყებებს შორის არსებული თანამშრომლობის გაღრმავების შესახებ ისაუბრეს, მათ შორის, არალეგალური მიგრაციისა და დანაშაულის წინააღმდეგ ბრძოლის კუთხით.

შალვა ხუციშვილმა და იოგეშვარ სანგვანმა ხაზგასმით აღნიშნეს „საქართველოს მთავრობასა და ინდოეთის რესპუბლიკის მთავრობას შორის დანაშაულთან ბრძოლის სფეროში თანამშრომლობის შესახებ“ შეთანხმების მნიშვნელობა, რომლის პროექტიც ინდოეთის მთავრობას განსახილველად მიმდინარე წლის აპრილში გადაეგზავნა. მას შემდეგ, რაც მხარეები შეთანხმების პროექტის ტექსტზე შეჯერდებიან, დაიგეგმება საქართველოსა და ინდოეთის რესპუბლიკის შინაგან საქმეთა მინისტრების ოფიციალური შეხვედრა და შეთანხმების ხელმოწერა.

მხარეებმა საქართველოს სახელმწიფო საზღვარზე გადაადგილებულ ინდოეთის მოქალაქეთა სტატისტიკური მონაცემები განიხილეს. როგორც შინაგან საქმეთა მინისტრის მოადგილემ აღნიშნა, საქართველოს არაერთ პარტნიორ ქვეყანასთან აქვს გაფორმებული „უნებართვოდ მცხოვრებ პირთა რეადმისიის შესახებ“ შეთანხმება, რომელიც არალეგალური მიგრაციის წინააღმდეგ ბრძოლის სფეროში მნიშვნელოვანი სამართლებრივი ბერკეტია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ