ბრალდების მხარის მოწმემ, ტარას შავშიშვილმა, რომელსაც მამა გიორგი მამალაძესთან მეგობრული ურთიერთობა აკავშირებს მედიასთან დაკითხვის დეტალებზე არ ისაუბრა.

შავშიშვილმა მხოლოდ ის განაცხადა, რომ მამა გიორგი მამალაძისთვის კანონსაწინააღმდეგო არაფერი გადაუცია.

კითხვების მიუხედავად, ტარას შავშიშვილმა დამატებითი კომენტარის გაკეთება არ ისურვა.

ცნობისთვის, ტარას შავშიშვილი დაიკითხა, როგორც ბრალდების მხარის მოწმე, თუმცა პროკურორი ზვიად გუბელაძე ამბობს, რომ შავშიშვილი საქმეში დაინტერესებული პირია და მას სურს, მამა გიორგი მამალაძე გამართლდეს. ამიტომ პროკურორის განცხადებით, მან სასამართლო მამა გიორგი მამალაძის სასარგებლო ინფორმაცია მიაწოდა, თუმცა მისივე თქმით, მან ვერ დამალა, რომ მამა გიორგი მამალაძესა და პატრიარქის მდივან-რეფერენტს, შორენა თეთრუაშვილს შორის არსებობდა დაპირისპირება და ეს დაპირისპირება თავისებურად ახსნა. ასევე პროკურატურა ირწმუნება, რომ ტარას შავშიშვილი არის პირი, რომელიც მამა გიორგი მამალაძეს კონსპირაციულ ვითარებაში შეხვდა და აეროპორტში გამგზავრებამდე სხვადასხვა ნივთები გადასცა.  

რაც შეეხება დაცვის მხარეს, ადვოკატ ეკა ლომიძის თქმით, ტარას შავშიშვილმა დაადასტურა, რომ არანაირი საუბარი ციანიდზე დეკანოზთან არ ჰქონია და არც გადაუცია. ლომიძის განმარტებით, შავშიშვილმა მამა გიორგი მამალაძეს მხოლოდ ღვინო და სასულიერო პირისთვის განკუთვნილი ბარათი გადასცა. ასევე, ადვოკატის თქმით, შავშიშვილმა დაადასტურა, რომ გიორგი მამალაძესთან ახლო, მეგობრული ურთიერთობა აკავშირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?