„ძალიან დაგვიანებული ნაბიჯია  და ეს  პირველივე დღეებში უნდა მომხდარიყო“,-ასე გამოეხმაურა აზერბაიჯანელი ჟურნალისტის  აფგან მუხთარლის ადვოკატი არჩილ ჩოფიკაშვილი სასაზღვრო პოლიციის და კონტრდაზვერვის დეპარტამენტის ხელმძღვანელების თანამდებობიდან გათავისუფლებას.

ადვოკატის განცხადებით, აღნიშნული გადაწყვეტილება გამოძიებაზე ზემოქმედებას ვერ მოახდენს.

„ეს არის ძალიან დაგვიანებული  ნაბიჯი  და ეს პირველივე დღეებში უნდა მომხდარიყო.

რაც შეეხება გამოძიებაზე ზემოქმედებას აღნიშნული გადაწყვეტილება, ვფიქრობ, რომ ვერ მოახდენს გამოძიებაზე შედეგს. ვინაიდან უკვე ცნობილი სასაზღვრო გამშვებ პუნქტზე ვიდეოსათვალთვალო კამერების ჩამწერი მოწყობილობა იყო დაზიანებული. შესაბამისად ვთვლი, რომ ეს ნაბიჯი რაიმე ეფექტურ გავლენას გამოძიებაზე ვერ მოახდენს.

ჩანაწერები ან არის დაზიანებული და  განადგურებული, ან ჩამწერი მოწყობილობა იყო განადგურებული და  დაზიანებული, ან უბრალოდ გამორთული იყო ეს სათვალთვალო კამერები ზუსტად დანაშაულის დროს“,-განუცხადა „რუსთავი 2“-ს ჩოფიკაშვილმა.

შეგახსენებთ, შს მინისტრმა გიორგი მღებრიშვილმა დღეს გამართულ ბრიფინგზე განაცხადა, რომ აფგან მუხთარლის საქმეზე გამოძიების დასრულებამდე, შსს-ს სასაზღვრო პოლიციის უფროსი და სუს-ის კონტრდაზვერვის დეპარტამენტის დირექტორი თანამდებობიდან გატავისუფლდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?

Bridgestone-ის საბურავების შეძენისას საწვავი საჩუქრად - „თეგეტა მოტორსისა“ და „გალფის“ შეთავაზება ბიზნესს

ქეთევან დედოფალზე გაკეთებული განცხადებების გამო, ირანის ელჩი საგარეოში დაიბარეს