2017-07-18 17:27:01, 2775 ნახვა
სამართალი
მეუფე დიმიტრი: ვისაუბრე მხოლოდ სიმართლე და არაფერი სიმართლის გარდა
ე.წ. ციანიდის საქმეზე თბილისის საქალაქო სასამართლოში საქართველოს კათოლიკოს-პატრიარქის, ილია მეორის ახლობლების დაკითხვა დასრულდა.
ბათუმისა და ლაზეთის მიტროპოლიტის მეუფე დიმიტრის თქმით, მის მიმართ ძირითადი შეკითხვები მამა გიორგი მამალაძესთან მის ურთიერთობას შეეხებოდა.
„აინტერესებდათ ჩემგან, რა ურთიერთობა მქონდა. მქონდა მასთან როგორც მღვდელმთავარს ურთიერთობა და ეს იყო ყველაფერი. ვისაუბრე სიმართლე, მხოლოდ სიმართლე და არაფერი სიმართლის გარდა“, - აღნიშნა მეუფე დიმიტრიმ.
ცნობისთვის, სასამართლოს ჩვენება ილია მეორის დისშვილმა, ქეთევან შიოლაშვილმაც მისცა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
