თბილისის საქალაქო სასამართლოს თავმჯდომარედ ვასილ მშვენიერაძე აირჩიეს

2017-07-03 16:35:20, 2318 ნახვა

სამართალი

13 მომხრე - 2 წინააღმდეგი- იუსტიციის უმაღლესმა საბჭომ თბილისის საქალაქო სასამართლოს თავმჯდომარედ მოსამართლე ვასილ მშვენიერაძე აირჩია.

ის ამ პოზიციაზე დღეიდან იქნება დანიშნული.

საბჭოს წევრებმა ასევე კენჭი უყარეს ვასილ მშვენიერაძის თბილისის საქალაქო სასამართლოს ადმინისტრაციული კოლეგიის თავმჯდომარედ დანიშვნის საკითხს და ის ამ თანამდებობაზე ხმათა უმრავლესობით აირჩიეს.

ცნობისთვის, თბილისის საქალაქო სასამართლოს თავმჯდომარის თანამდებობა ვაკანტური მას შემდეგ გახდა, რაც ყოფილი თავმჯდომარე გიორგი მიქაუტაძე იუსტიციის უმაღლესი საბჭოს მდივნად აირჩიეს. ვასილ მშვენიერაძის კანდიდატურა ახალი შემადგენლობის საბჭოს პირველ სხდომაზე დღეს სწორედ გიორგი მიქაუტაძემ დაასახელა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან