აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის მორიგი სხდომა გაიმართა.

აჭარის ჯანდაცვის სამინისტროს ინფორმაციით, კომისიის წევრებმა ბათუმში, თამარის დასახლებაში მდებარე სოციალურ სახლში, ქობულეთის მუნიციპალიტეტში მცხოვრები 11 ეკომიგრანტი ოჯახის საცხოვრებელი ფართებით დაკმაყოფილების საკითხი განიხილეს,.

სხდომაზე საკითხი ქობულეთის მუნიციპალიტეტის გამგებელმა სულხან ევგენიძემ წარმოადგინა.

კომისიის წევრებმა თერთმეტივე ოჯახის საკიხი დადებითად გადაწყვიტეს, ისინი ბინებს უახლოეს პერიოდში მიიღებენ.

ცნობისთვის, თამარის დასახლებაში, 58 ბინიანი სოციალური სახლის მშენებლობა მიმდინარე წლის დასაწყისში დასრულდა. სოციალური სახლი აჭარის ფინანსთა და ეკონომიკის სამინისტროს დაფინანსებით აშენდა. გახარჯულმა თანხამ შეადგინა 3 060 773 ლარი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს