ბავშვთა დაცვის საერთაშორისო დღე რეგიონის ხელმძღვანელმა ზურაბ პატარაძემ პატარებს ქობულეთიდან მიულოცა, სადაც ახალი საბავშვო ბაღის გახსნას დაესწრო.

გელაურის დასახლებაში ახალი საბავშვო ბაღის გახსნის ცერემონიას ქობულეთის მუნიციპალიტეტის გამგებელი სულხან ევგენიძე, საკრებულოს თავმჯდომარე სულხან ოქროპირიძე, საქართველოს პარლამენტის წევრი კობა ნაკაიძე და უმაღლესი საბჭოს წევრი გიორგი რომანაძე ესწრებოდნენ.

გელაურის დასახლებაში სკოლამდელი აღზრდის დაწესებულება წლების განმავლობაში არ არსებობდა. 105 აღსაზრდელზე გათვლილი თანამედროვე სტანდარტების შესაბამისი საბავშვო ბაღის მშენებლობა გასულ წელს დაიწყო. სკოლამდელი აღზრდის დაწესებულებაში 19 ადგილობრივი კადრია დასაქმებული. საბავშვო ბაღში თანამედროვე სტანდარტების შესაბამისი ინფრასტრუქტურა მოეწყო. ორსართულიან შენობაში მოწყობილია საძინებლები, გასართობი ოთახები, სველი წერტილები და დარბაზი. შენობა უზრუნველყოფილია ცენტრალური გათბობის სისტემით. კეთილმოეწყო ეზო, სადაც საბავშვო ატრაქციონი დამონტაჟდა. მოეწყო ასევე მისასვლელი გზა. საბავშვო ბაღი ახალი ინვენტარით აღიჭურვა. სოფელ გელაურის საბავშვო ბაღის სამშენებლო-სარემონტო სამუშაოებისთვის 415 860 ლარი დაიხარჯა.

დღესვე ქობულეთის მუნიციპალიტეტის სოფელ ზენიტში ახალი საბავშვო ბაღი გაიხსნა.  70 აღსაზრდელზე გათვლილი საბავშვო ბაღში 15 ადგილობრივია დასაქმებული. თანამედროვე სტანდარტების შესაბამისი ორ სართულიანი შენობა  შშმ პირებისათვის ადაპტირებულია. საბავშვო ბაღში მოეწყო საძინებლები, გასართობი ოთახები, სველი წერტილები, დარბაზი და დამონტაჟდა ცენტრალური გათბობის სისტემა, ასევე კეთილმოეწყო ეზო, სადაც საბავშვო ატრაქციონები დამონტაჟდა. საბავშვო ბაღი ახალი ინვენტარით აღიჭურვა. ინფრასტრუქტურული ღონისძიებისთვის ბიუჯეტიდან 485 550 ლარი

დღეის მდგომარეობით ქობულეთის მუნიციპალიტეტში 22 საბავშვო ბაღი ფუნქციონირებს, სადაც 2 350 აღსაზრდელი იღებს სკოლამდელ განათლებას და 437 ადამიანია დასაქმებული. ახალი სასწავლო წლიდან საბავშვო ბაღების გახსნა ფიჭვნარსა და ცეცხლაურშიც იგეგმება. წელს საბავშვო ბაღები აჭყვისთავსა და ჩაისუბანშიც აშენდება.

აჭარაში 2013 წლიდან დღემდე : აშენდა 47 ბაღი; რეაბილიტირდა 67 ბაღი; მიმდინარეობს 13 ბაღის მშენებლობა და 5 ბაღის რეაბილიტაცია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა