მიტროპოლიტი იოანე - სინოდის წევრები მამალაძის საქმეზე გამოძიებასთან თანამშრომლობისთვის მზად არიან

2017-03-23 13:56:38, 1248 ნახვა

საზოგადოება

სინოდის წევრები დეკანოზ გიორგი მამალაძის საქმეზე გამოძიებასთან თანამშრომლობისთვის მზად არიან.

ამის შესახებ ჟურნალისტებს სინოდის წევრმა, გორის და ატენის მიტროპოლიტმა მეუფე ანდრია გვაზავამ განაცხადა.

მღვდელმთავარის თქმით, ის მზად არის გამოძიების შეკითხვებს უპასუხოს.

„ვფირქობ, რომ სინოდის სხვა წევრებიც ჩემს პოზიციას იზიარებენ“, - განაცხადა რუსთაველმა მიტროპოლიტმა იოანე გამრეკელმა.

როგორც იოანე გამრეკელმა აღნიშნა, უნდა დაიკითხონ ადამიანები, რომლებიც გიორგი მამალაძის საქმიანობას იცნობენ.

ცნობისთვის, საპატრიარქოს უნივერსიტეტში ავტოკეფალიის აღდგენის 100 წლითავისადმი მიძღვნილი სამეცნიერო კონფერენცია მიმდინარეობს.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს და დუმილის უფლებას იყენებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან