21 მარტი დაუნის სინდრომის საერთაშორისო დღეა, რომელსაც საჩხერის სამედიცინო ცენტრი მთელი პასუხისმგებლობით უერთდება.

მას შემდეგ, რაც გაერთიანებული ერების ორგანიზაციამ 2011 წლის 10 ნოემბერს 21 მარტი ოფიციალურად გამოაცხადა დაუნის სინდრომის საერთაშორისო დღედ, ყოველი 21 მარტი დაუნის სინდრომის მქონე ადამიანების ერთი კონკრეტული უფლებისთვის ბრძოლის დღეა ხოლმე - განათლების, შრომის, სრულყოფილი სამედიცინო მომსახურების და მათზე წვდომის...

დაუნის სინდრომის საერთაშორისო დღის წლევანდელი სლოგანია: „ჩემი ხმა საზოგადოებაში“.

სამწუხაროდ, დაუნის სინდრომის მიმართ საქართველოში საზოგადოების ინფორმირებულობის დონე ჯერ ისევ დაბალია, რაც  იწვევს თავად დაუნის სინდრომის მქონე ადამიანთა და მათი ოჯახის წევრების გარკვეულ იზოლაციას.

მსოფლიო საზოგადოებამ ამ მიმართულებით ბრძოლის იარაღად „უთვალავი წინდის“ (LOTS OF SOCKS) აქცია აირჩია, რომლის მიზანიც საზოგადოებისთვის იმის შეხსენებაა, რომ:

 „ქრომოსომების განსხვავებული რაოდენობა“ არ არის დაავადება,  არ არის გადამდები, არ არის მემკვიდრეობითი, დაუნის სინდრომის მქონე ბავშვი შესაძლებელია ეყოლოს ნებისმიერ ადამიანს. არ შეიძლება ამ სიტყვის დამაკნინებელ კონტექსტში გამოყენება.

„მზის შვილები“ ჩვენი მეგობრები არიან და „მეგობრები ქრომოსომებს არ ითვლიან“.

საჩხერის სამედიცინო ცენტრი მზად არის, თავისი მიმართულებით პასუხისმგებლობა აიღოს და საჩხერის რეგიონში მცხოვრებ დაუნის სინდრომის მქონე ადამიანებს სათანადო სამედიცინო მეთვალყურეობა გაუწიოს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან