თბილისის მერი  დავით ნარმანია რუმინეთის ელჩს საქართველოში რადუ ლივიუ ჰორუმბას შეხვდა.

როგორც „ექსპრესნიუსს“ თბილისის მერიიდან აცნობეს, შეხვედრას საქართველოს პარლამენტის წევრი ისკო დასენი ესწრებოდა.

მათივე ინფორმაციით, მხარეებმა საქართველოსა და რუმინეთს შორის არსებულ ორმხრივ ურთიერთობებსა და სამომავლო პროექტებზე ისაუბრეს.

დავით ნარმანიამ ყურადღება ორ ქვეყანას შორის არსებული ბიზნესურთიერთობების შემდგომი განვითარების მნიშვნელობაზე გაამახვილა და აღნიშნა, რომ საქართველოსა და რუმინეთის დიპლომატიური ურთიერთობა 25 წელს ითვლის.

მისივე თქმით, მნიშვნელოვანია რუმინეთის გამოცდილების გაზიარება  პარკირების სისტემის მოწესრიგების მიმართულებით. 

„ჩვენ აქტიური ურთიერთობები გვაქვს ბუქარესტთან  ბიზნესის, ეკონომიკის და კულტურის სფეროებში. ამჟამადვმუშაობთ ისეთი პროექტების განხორციელებაზე, რომელიც ტურიზმის განვითარებისა და ინვესტიციების მოზიდვის კუთხით იქნება  მნიშვნელოვანი. ევროკავშირთან უვიზო რეჟიმის პირობებში, ეს ურთიერთობები  მეტ დატვირთვას იძენს. ჩვენი მიზანია ამ ორმხრივი თანამშრომლობის კიდევ უფრო განმტკიცება,“  - განაცხადა დავით ნარმანიამ.

რუმინეთის ელჩმა თბილისის მერს ურთიერთსასარგებლო პროექტების განხორციელებაში აქტიური მხარდაჭერა აღუთქვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ