საქართველოს იუსტიციის სამინისტროს ეროვნულმა არქივმა წამოიწყო პროექტი, რომელიც მიზნად ისახავს ქართული ძველნაბეჭდი წიგნების კოლექციის ახლებურ აღწერას.

ეროვნული არქივის სამეცნიერო-საცნობარო ბიბლიოთეკაში დაცული ქართული ძველნაბეჭდი წიგნების კოლექცია XX საუკუნის 20-30-იან წლებში ექსპედიციების შედეგად მოპოვებული ლიტერატურისაგან შეიქმნა. ეს არის 1709-1900 წლებში თბილისში, ქუთაისში, კონსტანტინეპოლში, რომსა და სხვა ქალაქებში გამოცემული სასულიერო და საერო ხასიათის  250-ზე მეტი წიგნი.

პროექტში ჩართულები არიან ეროვნული არქივის სამეცნიერო-საცნობარო ბიბლიოთეკის, სამეცნიერო განყოფილებისა და საისტორიო ცენტრალური არქივის თანამშრომლები.

პროექტის მსვლელობისას დეტალურად გადაისინჯება და აღიწერება თითოეული წიგნი. აღწერების ღირებული ნაწილი იქნება ის ანდერძ-მინაწერები, რომლებიც დართულია ძველნაბეჭდ წიგნებზე და რაც დამატებით მნიშვნელოვან ინფორმაციას მოგვცემს  რარიტეტული წიგნების  დროსა და სივრცეში მოგზაურობის, მისი მფლობელებისა თუ წიგნის თანადროული ისტორიული ფაქტების შესახებ.

პროექტის დასკვნით ეტაპზე მომზადდება კატალოგი, რომლითაც საქართველოს ეროვნული არქივი დაინტერესებულ პირებს ქართული რარიტეტული წიგნების შესახებ ინფორმაციას წარუდგენს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ