დედაქალაქის მერი დავით ნარმანია აღმოსავლეთ საქართველოს მუნიციპალიტეტების მერებთან და გამგებლებთან შეხვედრას მართავს. 
როგორც დავით ნარმანიამ ჟურნალისტებს განუცხადა, შეხვედრაზე  „ადგილობრივი თვითმმართველობის შესახებ კოდექს“–ში შესატან ცვლილებებს განიხილავენ. 
მისივე განმარტებით, აღნიშნულ კანონში ცვლილებები შესყიდვების ნაწილს შეეხება. 
 „მუნიციპალიტეტების გამგებლები და მერები წარმოაგენენ ინფორმაციას იმის თაობაზე, თუ რა საკანონმდებლო და პროცედურული ხარვეზებია კანონმდებლობაში, რომელიც უნდა გამოსწორდეს იმისათვის, რომ უფრო ქმედითი და ეფექტიანი გახდეს ადგილობრივი თვითმმართველობების საქმიანობა. საუბარია „ადგილობრივი თვითმმართველობის შესახებ კოდექსში“ ცვლილების შეტანაზე, რათა უფრო მოქნილი გახდეს თვითმმართველობის საქმიანობა – გადაწყვეტილებების მიღების სისწრაფე იქნას უზრუნველყოფილი, ანუ სხვადასხვა წარმომადგენლობით და აღმასრულებელ უწყებებს შორის არ იყოს მუდმივად დოკუმენტაციის გადაგზავნა–გადმოგზავნა.  გარდა ამისა, ხშირად ხდება ტენდერების ჩაშლა, ამიტომ ყველაფერი შეიკრიბება, ერთიანი სახე მიეცემა და საქართველოს პარლამენტს განსახილველად გადაეგზავნება“, – აღნიშნა ნარმანიამ.  
ცნობისთვის, რეგიონის გუბერნატორებთან, ქალაქის მერებთან და გამგებლებთან შეხვედრის შესახებ გადაწყვეტილება საქართველოს პრემიერ– მინისტრმა ირაკლი ღარიბაშვილმა მიიღო. პირველი შეხვედრა გასულ კვირას, ქუთაისში დასავლეთ საქართველოს მუნიციპალიტეტების, მერებსა და გამგებლებთან გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა