უკრაინაში დაკავებული გია ცერცვაძე სასამართლომ წინასწარ პატიმრობაში დატოვა

2017-01-26 14:32:56, 1603 ნახვა

საზოგადოება

კიევის სააპელაციო სასამართლომ ქართველი ვიცე პოლკოვნიკი გია ცერცვაძე წინასწარ პატიმრობაში დატოვა.

გადაწყვეტილება ცოტა ხნის წინ გამოცხადდა, რასაც დარბაზში ხმაური მოჰყვა.

არსებული ინფორმაციით, გადაწყვეტილების მიზეზი პირველი ინსტანციის მიერ შესაბამისი დოკუმენტაციის სააპელაციო სასამართლოში დაგვიანებით გადაგზავნა გახდა.

სხდომას გია ცერცვაძის მეუღლე, თანამებრძოლები და უკრაინელი სამხედროები ესწრებოდნენ.

შეგახსენებთ, რომ ქართველი ვიცე-პოლკოვნიკი გია ცერცვაძე 15 იანვარს, უკრაინაში ჩასვლისთანავე დააკავეს. რუსეთის ფედერაცია სამხედროს, მკვლელობასა და მკვლელობის მცდელობაში ადანაშაულებს და მის ექსტრადირებას ითხოვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან