სოლიდარობის ფონდსა და კომპანია ფრეგოს შორის ურთიერთთანამშრომლობის მემორანდუმი გაფორმდება.

სოლიდარობის ფონდის ინფორმაციით, მემორანდუმის ფარგლებში კომპანია ფრეგოს თანამშრომლები ყოველთვიურად საკუთარი ხელფასიდან  ნებაყოფლობით დონაციას განახორციელებენ სოლიდარობის ფონდში  სიმსივნით დაავადებული ბავშვებისა და 22 წლამდე ასაკის ახალგაზრდების დიაგნოსტიკისა და მკურნალობის დასაფინანსებლად.

„მას შემდეგ რაც გავეცანით სოლიდარობის ფონდის საქმიანობას, კომპანია ფრეგომ გადაწყვიტა აიღოს სოციალური პასუხისმგებლობა და თავისი მოკრძალებული  წვლილი შეიტანოს  სიმსივნით დაავადებული ბავშვებისა და 22 წლამდე ასაკის ახალგაზრდების მკურნალობის დაფინანსებაში. გვიხარია რომ არსებობს ასეთი ფონდი და სამომავლოდ ვგეგმავთ სიღრმისეულ თანამშრომლობას სიმსივნით დაავადებული ბავშვების დასახმარებლად“ – განაცხადა ფრეგოს დენერალურმა დირექტორმა რუსუდან რამაზაშვილმა.

ამასთან, სოლიდარობის ფონდის აღმასრულებელი დირექტორის მოვალეობის შემსრულებლის სოფიო კაკალიაშვილი-ძაგნიძემ  ფონდის სახელით მადლობა გადაუხადა კომპანოა ფრეგოს აღნიშნული ინიციატივისათვის.

მანვე იმედი  გამოთქვა, რომ მათი თანამშრომლობა გაღრმავდება.

ცნობისთვის, საქართველოს სოლიდარობის ფონდი 2014 წლის ივნისში პრემიერ-მინისტრის ინიციატივით შეიქმნა.

დაარსებიდან დღემდე ქვეყნის მასშტაბით საჯარო სექტორში დასაქმებული 60 000-ზე მეტი თანამშრომლისა და 47 კერძო კომპანიის დამსახურებით,  სოლიდარობის ფონდში საერთო ჯამში 8 874 375 ლარი იქნა მობილიზებული.

უკვე მობილიზებული და პროგნოზული დონაციების გათვალისწინებით სოლიდარობის ფონდმა თქვენი მხარდაჭერით სიმსივნით დაავადებული 355  ბავშვისა და ახალგაზრდის მკურნალობის და დიაგნოსტიკის დაფინანსება დაამტკიცა როგორც საქართველოში ასევე საზღვარგარეთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო